News Flash

आजचे राशीभविष्य, गुरूवार, ३ डिसेंबर २०२०

सर्व बारा राशींचे भविष्य

मेष: आपली महत्वाची कामे सकाळीच करून घ्या, संध्याकाळ कौटुंबिक समारंभासाठी राखून ठेवावी लागेल. घरगुती कामासाठी प्रवास करावे लागतील. कार्यक्षेत्रातून प्रशिक्षणासाठी आपली निवड होईल. गुरुची कृपा आपल्या प्रयत्नांत विश्वास निर्माण करेल.

वृषभ:नोकरी-व्यवसायानिमित्त केलेले प्रवास फायदेशीर ठरतील. अनुकूल संधीचा लाभ घ्या. संध्याकाळी संततीकडून सुवार्ता समजेल. जाणीवपूर्वक आपल्या विचारात बदल करण्याचा प्रयत्न करावा. जगाकडे बघण्याचा दृष्टीकोन बदलावा.

मिथुन: दुपारनंतर आपल्याला धनप्राप्तीसाठी अनुकूल काळ आहे. आपल्याला मानसिक स्वास्थ लाभेल. आपल्या संभाषणचातुर्यामुळे वरिष्ठांना जिंकून घ्याल. साचेबद्ध जीवनातून विरंगुळा मिळावा म्हणून सांस्कृतिक कार्यक्रमात सहभाग घ्याल. अचानक सहलीचे आयोजन केले जाईल.

कर्क: छोटे प्रवासयोग संभवतात. आपले मानसिक स्वास्थ सुधारेल. आर्थिक उन्नतीसाठी आजचा दिवस आपणास अनुकूल आहे. यशस्वी होण्यासाठी इतरांवर अवलंबून राहू नका. स्वतःचे प्रयत्न स्वतःच करावेत.

सिंह: मित्र परिवाराकडून आर्थिक मदत घेताना विचार करावा. व्यवसाय वाढीसाठी परिश्रम घ्यावे लागतील. उपासना मार्गातील लोकांना चांगली अनुभूती मिळेले. आपल्याला चांगला मार्गदर्शक भेटेल.सल्लामसलत करावी लागेल.

कन्या: नोकरीत सहकार्यांची मदत घ्यावी लागेल. आपल्या इच्छा पूर्ण होतील. चालून आलेल्या अनुकूल सुसंधीचा लाभ घ्या. आपल्या आरोग्याकडे लक्ष द्यावे लागेल. कार्यक्षेत्रात विविध संधी उपलब्ध होतील.

तूळ: नोकरीत सुवर्णसंधी चालून येईल. अपेक्षित यश संभवते. आपल्या व्यक्तिमत्वाचा प्रभाव पडेल. विवाहेच्छूक तरुणांचे विवाह ठरतील. कामानिमित्त परदेशप्रवास घडून येण्याची शक्यता राहते.

वृश्चिक:अचानक धनप्राप्तीचे योग आहेत. पूर्वी केलेल्या कामाची वरिष्ठांकडून प्रशंसा केली जाईल. विरोधकांवर मात कराल. विरोधकांना आपले मत पटवून देण्यास यशस्वी व्हाल. वरिष्ठांची मर्जी संपादन करण्यात यशस्वी व्हाल.

धनु: सामाजिक ठिकाणी आपल्या व्यक्तिमत्त्वाचा प्रभाव पडेल वैवाहिक सुखाच्या दृष्टीने अनुकूल दिवस आहे. महत्वाची कामे सकाळीच पूर्ण करा. काही बाबतीत आपल्याला चांगला दिलासा मिळणार आहे. आपले अंदाज अचूक ठरतील.

मकर: आपले विचार दुसर्यांना बोलून दाखवू नका. महत्वाची कामे टाळावीत. जनसंपर्कातून कामे करावी लागतील. राह्त्या जागेचे किंवा व्यवसायाच्या जागेचे प्रश्न सुटतील. प्रवास सुखकर होईल.

कुंभ: संततीच्या दृष्टीने भाग्यकारक घटना घडेल मानसिक अस्वस्थता जाणवेल. नोकरीत सुवर्णसंधीचा लाभ घ्याल. परप्रांताशी व्यावसायिक संबंध प्रस्थापित करता येतील. शेजार्यांचे सहकार्य लाभेल.

मीन: आपल्या हातून धार्मिक लिखाण होईल. दुपारनंतर अपेक्षित गाठीभेटी होण्यास अनुकूल काळ आहे संतसज्जनांचा सहवास लाभेल. प्रतिष्ठीत बडय़ा व्यक्तींचे सहकार्य लाभेल.प्रतिष्ठीत व्यक्तीच्या ओळखीतून कामे मार्गी लागतील.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on December 3, 2020 12:07 am

Web Title: daily horoscope astrology in marathi thursday 3 december 2020 scj 81 2
Next Stories
1 आजचे राशीभविष्य, बुधवार, २ डिसेंबर २०२०
2 आजचे राशीभविष्य, मंगळवार, १ डिसेंबर २०२०
3 आजचे राशीभविष्य, सोमवार, ३० नोव्हेंबर २०२०
Just Now!
X