16 October 2019

News Flash

आजचे राशीभविष्य, बुधवार, १८ सप्टेंबर २०१९

सर्व बारा राशींचे भविष्य

  • मेष:-
    इतरांवर तुमचा प्रभाव पडेल. अति विचार करणे टाळावे. मुलांच्या समस्या जाणून घ्याव्यात. घाईघाईने कोणताही निष्कर्ष काढू नका. कामावर लक्ष केंद्रित करावे.
  • वृषभ:-
    सामाजिक बांधिलकी जपाल. कलेतून मानधन मिळेल. गप्पांमधून मैत्री वाढीस लागेल. गृहशांती जपावी. करमणुकीची साधने शोधाल.
  • मिथुन:-
    मनातील इच्छा पूर्ण करण्यासाठी मेहनत घ्याल. अधिकारी व्यक्तीचा सल्ला घ्याल. जवळच्या प्रवासात काळजी घ्यावी. उर्जेने कामे कराल. हातातील कामात यश येईल.
  • कर्क:-
    भडक शब्द वापरू नका. चोरांपासून सावध राहावे. कोणाविषयी मत्सर मनात ठेवू नका. प्रत्येक गोष्ट मनासारखी झाली पाहिजे असा हट्ट करू नका. अनावश्यक खर्च टाळावा.
  • सिंह:-
    पित्त विकाराचा त्रास जाणवू शकतो. अनाठायी होणारी चिडचिड दूर सारावी. संयम फार महत्त्वाचा आहे. कौटुंबिक जबाबदारी आनंदाने घ्याल. खर्चाचे योग्य नियोजन करावे.
  • कन्या:-
    बोलक्या स्वभावाचा योग्य वापर करावा. कामात उत्साह जाणवेल. अनाठायी होणारा खर्च टाळावा. सामाजिक भान राखून वागावे. तडकाफडकी कोणतीही गोष्ट करू नका.
  • तूळ:-
    भावनेच्या भरात सर्व गोष्टी बोलू नका. झोपेची तक्रार जाणवेल. खोटे कागदपत्र सादर करू नका. लबाड लोकांपासून सावध राहावे. अभ्यासू लोकांशी मैत्री करावी.
  • वृश्चिक:-
    लहान मुलांमध्ये लहान होवून रमून जाल. गप्पागोष्टी करण्यात वेळ घालवाल. तरुणांशी मैत्री जोडाल. स्त्रीवर्गाशी ओळख वाढेल. अधिकारी लोक भेटतील.
  • धनु:-
    कामापेक्षा इतर गोष्टीत लक्ष घालाल. सरकारी कामावर लक्ष ठेवा. फायद्याकडे अधिक लक्ष द्याल. पुढील परिस्थितीचा अंदाज घ्यावा. कल्पकता वापरावी.
  • मकर:-
    आपले मत योग्य ठिकाणीच मांडावे. जुन्या गोष्टी उकरून काढू नका. खर्च आवरता घ्यावा. धोरणीपणे वागावे लागेल. बौद्धिक छंद जोपासावेत.
  • कुंभ:-
    उगाचच त्रागा करू नका. गैरसमजामुळे त्रास होऊ शकतो. भागीदाराची बाजू समजून घ्यावी. चारचौघात अधिकाराने बोलाल. पत्नीच्या आरोग्याची काळजी घ्यावी.
  • मीन:-
    जोडीदाराच्या बोलण्याने भारावून जाल. जनसंपर्कात भर पडेल. पत्नीचा लाडिक हट्ट पुरवाल. काही गोष्टी समजुतीने घ्याव्या लागतील. मनाविरुद्ध असलेल्या गोष्टींचा स्वीकार करता आला पाहिजे.

    – ज्योतिषी विद्याधर करंदीकर

First Published on September 18, 2019 1:00 am

Web Title: daily horoscope astrology in marathi wednesday 18 september 2019 aau 85