07 December 2019

News Flash

आजचे राशीभविष्य, बुधवार, २३ ऑक्टोबर २०१९

सर्व बारा राशींचे भविष्य

  • मेष:-घरातील खेळकर वातावरणात रमाल. कौटुंबिक जिव्हाळा वाढेल. तुमच्यातील कलेला प्रसिद्धी मिळेल. प्रवासात योग्यती काळजी घ्यावी. रेस, जुगार यातून धनलाभ संभवतो.
  • वृषभ:-
    जवळच्या प्रवासाचा आनंद घ्याल. तुमच्यावर कौतुकाची थाप पडेल. मित्रांची उत्तम साथ मिळेल. आवडता छंद जोपासायला पुरेसा वेळ मिळेल. एखादे चांगले पुस्तक वाचनात येईल.
  • मिथुन:-
    कौटुंबिक प्रश्न आधी विचारात घ्या. आवडीवर ठाम राहाल. मनाची उथळता दूर करावी. जोडीदाराचे विचार प्रौढ जाणवतील. नातेवाईकांची सलोखा वाढवावा.
  • कर्क:-
    विचारांना चुकीची दिशा देवू नका. आपल्याच मतावर ठाम राहाल. कामातील घाई उपयोगाची नाही. स्वत:ची छाप पाडण्याचा प्रयत्न कराल. दिवस मनाप्रमाणे घालवाल.
  • सिंह:-
    वैचारिक व्यग्रता जाणवेल. काही गोष्टी इतरांसाठी कराल. चोरांपासून सावध राहावे. घराबाहेर वावरतांना मौल्यवान वस्तू सांभाळाव्यात. सामाजिक गोष्टींची जाणीव ठेवाल.
  • कन्या:-
    लहान-सहान दुखणी त्रासदायक ठरतील. गप्पांमधून वादास तोंड फुटणार नाही याची काळजी घ्या. घरगुती जबाबदारी येईल. कौटुंबिक खर्च वाढू शकतो. मनातील इच्छा पूर्ण होतील.
  • तूळ:-
    वाढत्या कामामुळे थकवा जाणवेल. आवक-जावक यांचे योग्य नियोजन करावे. अंगिभूत कलागुणांना प्रसिद्धी मिळेल. बोलण्यात गोडवा ठेवाल. कामातील दिरंगाई दूर करावी.
  • वृश्चिक:-
    उगाचच निराशा जाणवू शकते. तुमच्यातील मुळच्या चिकाटीला सोडू नका. सरकारी कामांना खीळ बसू शकते. खर्चावर लक्ष ठेवावे. सार्वजनिक ठिकाणी बोलतांना सतर्कता ठेवावी.
  • धनु:-
    मोठ्या लोकांची ओळख वाढेल. कामात स्त्रीवर्गाचा हातभार लागेल. नवीन मित्र, मैत्रिणी जोडाल. मानसिक सौख्य लाभेल. व्यावसायिक वाढीचा विचार कराल.
  • मकर:-
    मनातील आकांक्षांची पूर्ती होईल. जोडीदाराचा उत्तम सहवास लाभेल. तुमचे संपर्क क्षेत्र वाढेल. ओळखीचा चांगला उपयोग होईल. तुमचे कार्यक्षेत्र वाढेल.
  • कुंभ:-
    कामाचा आनंद मिळेल. हाताखालील नोकरवर्ग तुमची चांगली साथ देईल. जवळचे नातेवाईक भेटतील. इतरांच्या विश्वासास खरे उतरावे. आरोग्याची काळजी घ्यावी.
  • मीन:-
    कौटुंबिक करमणुकीचे कार्यक्रम आखाल. सखोल चिंतन-मनन कराल. शैक्षणिक क्षेत्रातील लोकांना प्रसिद्धी मिळेल. मुलांकडून चांगल्या बातम्या मिळतील. उत्तम विचार मांडाल.– ज्योतिषी विद्याधर करंदीकर

First Published on October 23, 2019 1:00 am

Web Title: daily horoscope astrology in marathi wednesday 23 october 2019 aau 85
Just Now!
X