22nd June Panchang & Rashi Bhavishya: २२ जूनला ज्येष्ठ शुक्ल पक्षातील पौर्णिमा तिथी संपून मग सकाळी ६ वाजून ३८ मिनिटांनी कृष्ण पक्षाचा प्रारंभ होणार आहे. कृष्ण पक्षातील प्रतिपदा आज असेल. २२ जूनला शनिवारी प्रतिपदेच्या दिवशी शनी महाराज काही राशींच्या कुंडलीत उत्तम ठिकाणी प्रभावी असतील. संध्याकाळी ४ वाजून ४५ मिनिटांपर्यंत शुक्ल योग्य असणार आहे तर ५ वाजून ५४ मिनिटांपर्यंत मूळ नक्षत्र जागृत असेल. आजच्या दिवसही कबीर जयंती सुद्धा साजरी केली जाणार आहे. आज शनिवारी तुमच्या राशीच्या नशिबाचे तारे कसे चमकू शकतात हे पाहूया..

या बातमीसह सर्व प्रीमियम कंटेंट वाचण्यासाठी साइन-इन करा

२२ जून पंचांग व राशी भविष्य

मेष:-स्वत:ला आवडत्या कामात गुंतवून घ्यावे. मनातील चुकीचे विचार काढून टाका. कामाचा ताण वाढला तरी फायद्यात राहाल. चांगला व्यावसायिक लाभ मिळेल. अचानक धनलाभाचे योग आहेत.

वृषभ:-कामात सुसंगती आल्याने थोडा आराम करू शकाल. कौटुंबिक जबाबदारी अंगावर पडेल. प्रिय व्यक्तीची आवड पूर्ण करावी लागेल. सर्वांना प्रेमाने आपलेसे कराल. कौटुंबिक खर्च आटोक्यात ठेवावा.

मिथुन:-आपले विचार उत्तमरीत्या मांडाल. नसत्या शंका मनात आणू नका. व्यावसायिक कामात स्पष्टता ठेवावी. वैचारिक गोंधळ घालू नका. हसत-हसत आपले मत मांडावे.

कर्क:-चोरांपासून सावध राहावे. मित्रांशी पैज लावाल. आपला संयम ढळू देऊ नका. बचत करण्यावर अधिक भर द्यावा. कौटुंबिक गरजा ध्यानात घ्या.

सिंह:-चर्चेला अधिक वाव द्यावा. तरुण मित्रांच्यात वावराल. नवीन ओळखी होतील. अनुभवी लोकांचा सल्ला विचारात घ्यावा. व्यापारातून चांगला लाभ संभवतो.

कन्या:-शारीरिक क्षमता तपासून पहावी. काही गोष्टींची तडजोड करावी लागेल. जवळचा प्रवास करावा लागेल. कमिशन मधून चांगला लाभ कमवाल. कुटुंबाला पर्याप्त वेळ द्यावा.

तूळ:-घरातील गोष्टींमध्ये अडकून पडाल. काही गोष्टींबाबत आग्रही राहाल. दीर्घकालीन फायद्याचा विचार कराल. नातेवाईकांवर आपली मते लादू नका. मित्रमंडळींशी जुळवून घ्यावे.

वृश्चिक:-सकारात्मक धोरण ठेवावे. कौटुंबिक खर्चाचा अधिक विचार कराल. इतरांना दुखवू नका. ताळमेळ साधत कामे करावी लागतील. कौटुंबिक गरजा पूर्ण करण्याचा प्रयत्न कराल.

धनू:-मानसिक स्थैर्य जपावे. आलेल्या अनुभवातून काहीतरी शिकण्यास मिळेल. कुटुंबातील सदस्यांचे मत मान्य करावे लागेल. जुन्या कामातून यश मिळेल. जोडीदाराचे कौतुक केले जाईल.

मकर:-जुन्या विचारात अडकून पडू नका. मनातील निराशा झटकून टाका. आरोग्यात काहीशी सुधारणा होईल. प्रवासात काळजी घ्यावी. घरातील बदलात ज्येष्ठांचा सल्ला घ्यावा.

हे ही वाचा<< शनी कृपेने उलट फिरणार नशिबाचे तारे; २०२५ पर्यंत या तीन राशींचे अच्छे दिन, ‘या’ रूपात घरी येईल लक्ष्मी

कुंभ:-ध्यानधारणा व योगाचा तुम्हाला फायदा होईल. संघर्षाला विनाकारण हवा देऊ नका. खेळीमेळीने प्रश्न सोडवण्याचा प्रयत्न करा. बोलण्यातून इतरांना दुखवू नका. घरात टापटीप ठेवाल.

मीन:-उगाचच लहान सहान गोष्टींवरून चिडू नका. कलात्मक काम तुम्हाला आनंद देईल. नव्या संकल्पना फलद्रुप होतील. घरातील लहान मुलांसोबत वेळ घालवाल. आवडत्या छंदाला वेळ काढाल.

-ज्योतिषी विद्याधर करंदीकर

मराठीतील सर्व राशी वृत्त बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.
Web Title: 22nd june marathi rashi bhavishya panchang shani blessing ma lakshmi to come at doorstep of these lucky zodiac signs today horoscope svs
First published on: 21-06-2024 at 19:07 IST