24 March Panchang and Rashibhavishya: आज फाल्गुन महिन्याच्या कृष्ण पक्षातील दशमी तिथी आहे. दशमी तिथी मंगळवारी सकाळी ५ वाजून ६ मिनिटांनी संपेल. आज दुपारी ४ वाजून ४५ मिनिटांपर्यंत परिघ योग राहील. तर उत्तराषाढा नक्षत्र संपूर्ण दिवस असेल आणि मंगळवारी पहाटे ४ वाजून २७ मिनिटांपर्यंत राहील. तसंच आज राहू काळ ७ वाजून ३० मिनिटांनी सुरु होईल ते ९ वाजेपर्यंत असणार आहे. त्याचप्रमाणे आज उत्तराषाढा नक्षत्रात मेष ते मीनचा दिवस कसा जाईल हे आपण जाणून घेऊयात…

२४ मार्च पंचांग व राशिभविष्य (24 March Mesh To Meen Horoscope in Marathi)

मेष (Aries Horoscope Today)

घरातच मन रमेल. घर टापटीप ठेवाल. जुनी पुस्तके काढून वाचत बसाल. चटपटीत पदार्थ खाल. दिवस मजेत घालवाल.

वृषभ राशिभविष्य (Taurus Horoscope Today)

मित्रांशी गप्पा माराल. जवळचा प्रवास कराल. नवीन गोष्टींची माहिती जमवाल. भावंडांशी सलोखा वाढेल. प्रत्येक गोष्टीचा आनंद घ्याल.

मिथुन राशिभविष्य (Gemini Horoscope Today)

पत्नीचा सहवास हवाहवासा वाटेल. गृहोपयोगी वस्तू खरेदी कराल. फार थंड पदार्थ खाऊ नयेत. काही कामे उगाचच अडकून पडतील. स्वप्नात रमून जाल.

कर्क राशिभविष्य (Cancer Horoscope Today)

उगाचच घाई-घाई करू नका. आपल्या मर्जीने वागाल. बाहेरील गोष्टींचा फार विचार करू नका. चंचलतेवर मात करावी. मनातील आकांक्षा पूर्ण होईल.

सिंह राशिभविष्य (Leo Horoscope Today)

विचारात वाहून जाऊ नका. मानसिक स्थैर्य जपावे. हातातील कला सर्वांसमोर सादर करता येईल. तुमच्या विचारांचा प्रभाव पडेल. भागीदारीत नफा मिळेल.

कन्या राशिभविष्य (Virgo HoroscopeToday)

इतरांचा विश्वास संपादन करावा. हातातील कामात यश येईल. घरगुती प्रश्न सोडवावेत. नातेवाईकांची मदत मिळेल. आत्मविश्वास सोडून चालणार नाही.

तूळ राशिभविष्य (Libra Horoscope Today)

गैरसमजाला मनात जागा देऊ नका. मुलांशी खेळण्यात वेळ घालवाल. नातेवाईकांची नाराजी दूर करावी. गृहशांती जपावी लागेल. मुलांची मते जाणून घ्यावीत.

वृश्चिक राशिभविष्य (Scorpio Horoscope Today)

धाडस करतांना सतर्क राहावे. शा‍ब्दिक चकमक टाळावी. हातापायांना किरकोळ इजा संभवते. कामातून समाधान शोधावे. जोडीदाराचे सौख्य वाढीस लागेल.

धनू राशिभविष्य (Sagittarius Horoscope Today)

फसवणुकीपासून सावध राहावे. बाहेर फिरताना मौल्यवान गोष्टी सांभाळाव्यात. अनाठायी खर्च होऊ शकतो. अपयशाने खचून जाऊ नका. धार्मिक गोष्टीत मन रमवा.

मकर राशिभविष्य (Capricorn Horoscope Today)

अडथळ्यातून मार्ग काढावा. प्रकृतीची काळजी घ्यावी. आततायीपणे निर्णय घेऊ नका. इतरांच्या मनाचा विचार करावा. नातेवाईकांशी सलोखा ठेवावा लागेल.

कुंभ राशिभविष्य (Aquarius Horoscope Today)

अधिकारी व्यक्तींचा सल्ला घ्यावा. चित्त एकाग्रतेसाठी ध्यानधारणा करावी. गरज नसतांना खर्च करू नका. आपली संगत तपासून पहावी. जबाबदारीची जाणीव ठेवावी.

मीन राशिभविष्य (Pisces Horoscope Today)

काही कामे वेळ घालवतील. उगाचच खिळून पडल्यासारखे वाटू शकते. मनातील भीती बाजूला सारावी. स्वत: साठी वेळ बाजूला काढावा. उष्णतेचा त्रास जाणवेल.

ज्योतिषी विद्याधर करंदीकर