26th July Panchang & Rashi Bhavishya: २६ जुलै २०२४ ला आषाढ महिन्यातील कृष्ण पक्षातील षष्ठी तिथी आहे. शुक्रवारच्या रात्री ११ वाजून ३१ मिनिटांपर्यंत ही तिथी कायम असणार आहे. २६ जुलैला रात्री १ वाजून ३२ मिनिटांपर्यंत सुकर्मा योग असणार आहे तर दुपारी २ वाजून ३० मिनिटांपर्यंत उत्तरा भाद्रपद नक्षत्र जागृत असेल. आजच्या दिवशी १२ राशींना नशिबाची साथ मिळणार की कष्टच वाट्याला येणार याचे अंदाज पाहूया.. २६ जुलै पंचांग व राशी भविष्य मेष:-अचानक येणार्या समस्येवर मात कराल. घरामध्ये शांत रहा. हिशोब करताना गडबड करू नका. कौटुंबिक कामे प्राधान्याने पूर्ण कराल. दिवसाचा उत्तरार्ध मजेत घालवाल. वृषभ:-दिवस चांगला जाईल. मनातील इच्छा पूर्ण होईल. जोडीदाराबरोबर अनमोल क्षण घालवाल. दिवस प्रेमाने भरलेला राहील. व्यापारी वर्गाला लाभदायक दिवस. मिथुन:-उत्तम वाचन होईल. घरातील कामात अडकून जाल. कौटुंबिक वातावरण खेळकर राहील. कामाची धांदल उडवून घेऊ नका. मित्रांशी सलोख्याचे संबंध ठेवावेत. कर्क:-चांगले साहित्य वाचनात येईल. घरात समजुतीने वागा. अधिकार वाणीने बोलाल. जबाबदारी झटकू नका. दिवसभरात काही लाभही होतील. सिंह:-बोलण्यात स्पष्टता ठेवून बोलाल. कामाच्या ताणामुळे थकवा जाणवेल. हातातील कामे प्रामाणिकपणे व सचोटीने करावीत. अति विचारात वेळ वाया घालवू नका. आवडीवर पैसे खर्च कराल. कन्या:-जोडीदाराच्या मताचा आदर करा. गैरसमजापासून दूर रहा. सामाजिक बांधीलकी जपा. उगाचच मन खिन्न होऊ शकते. व्यवहारी दृष्टीकोन ठेवावा. तूळ:-दिवसाची सुरुवात आळसात घालवू नका. जोडीदाराच्या इच्छेचा आदर कराल. कामातून अपेक्षित लाभ होईल. गुंतवणूक फायदेशीर ठरेल. नवीन योजनांवर काम चालू कराल. वृश्चिक:-सूर्याला नमस्कार करून दिवसाची सुरुवात करा. छंद जोपासायला वेळ काढावा लागेल. बोलताना समोरच्याचा आदर राखावा. व्यापार्यांनी भडक शब्द वापरू नयेत. एखादी घटना द्विधावस्था वाढवेल. धनू:-बोलण्यातून बरेच प्रश्न मार्गी लागतील. विचारपूर्वक कार्य करा. मानसिक शांतता लाभेल. घरातील वातावरण शांत असेल. आर्थिक प्रश्न मार्गी लागतील. मकर:-ओळखीच्या व्यक्तीची मदत होईल. क्षुल्लक चूक टाळावी. नातेवाईक तुमच्यावर खुश होतील. जोडीदारासोबत उत्तम क्षण घालवाल. जवळचा प्रवास संभवतो. कुंभ:-दिवस शांततेत जाईल. कौटुंबिक सौख्य उत्तम राहील. आहाराची पथ्ये पाळावीत. योग्य संधीची वाट पहावी. भावंडांची साथ मिळेल. हे ही वाचा<< पावसाचा जोर का वाढला? मुंबई- पुण्यासह राज्यात २६ जुलैसारखी स्थिती पुन्हा एकदा? ज्योतिषतज्ज्ञांची भविष्यवाणी झाली खरी मीन:-शांतपणे बोलून कामे करून घ्या. तब्येतीत सुधारणा संभवते. घरातील गोष्टीत रमून जाल. मुलांबाबतचे मतभेद दूर होतील. सामाजिक मान-सन्मान वाढेल. - ज्योतिषी विद्याधर करंदीकर
