3 March Horoscope Yam Gochar: वैदिक ज्योतिषात नवग्रहांना खूप महत्त्व दिलं जातं. मात्र या नवग्रहांमध्ये यमाचा समावेश केलेला नाही. तरीही काही ज्योतिष मतांनुसार यमाला महत्त्वाचं स्थान दिलं जातं. ज्योतिष शास्त्रात प्लूटोला बहुतेक वेळा अशुभ परिणाम देणारा ग्रह मानलं जातं. भ्रष्टाचार, फसवणूक, गुपितं, मृत्यू, विनाश आणि पाप यांसारख्या गोष्टींचा तो कारक मानला जातो. काही मतांमध्ये त्याला ‘यम ग्रह’ असंही म्हटलं जातं.
हा ग्रह ठराविक कालावधीनंतर राशी बदलतो आणि त्याच्या गोचराचा परिणाम सर्व १२ राशींवर कोणत्या ना कोणत्या प्रकारे होतो. वैदिक ज्योतिषानुसार यम ग्रह एका राशीत साधारण १७–१८ वर्षे राहतो. त्यामुळे तो पुन्हा त्याच राशीत येण्यासाठी बराच काळ लागतो. राशी बदलण्याबरोबरच तो ठराविक कालानंतर नक्षत्रही बदलतो.
यम नक्षत्र बदलल्यामुळे काही राशींच्या लोकांना विशेष फायदा होऊ शकतो. ३ मार्च रोजी चंद्र श्रवण नक्षत्रात प्रवेश करणार आहेत. त्यामुळे तीन राशींच्या लोकांसाठी लाभाचे चांगले योग तयार होत आहेत. हे विश्लेषण चंद्र राशीच्या आधारावर करण्यात आले आहे. चला तर मग जाणून घेऊया त्या भाग्यवान राशींबद्दल…
द्रिक पंचांगानुसार, ३ मार्च रोजी दुपारी २ वाजून ६ मिनिटांनी श्रवण नक्षत्रात प्रवेश होईल. या नक्षत्रात १३ जुलैपर्यंत राहतील. त्यानंतर उत्तराषाढा नक्षत्रात प्रवेश करतील.
वृषभ राशी (Taurus Horoscope)
यम श्रवण नक्षत्रात प्रवेश करून या राशीच्या नवव्या भावात राहणार आहेत. त्यामुळे या राशीच्या लोकांना प्रत्येक क्षेत्रात नशिबाची साथ मिळू शकते.
खूप दिवसांपासून अडकलेली कामे पूर्ण होण्याची शक्यता आहे. कुटुंबासोबत चांगला वेळ घालवता येईल. उत्पन्नाचे नवे मार्ग खुलू शकतात. लांबच्या प्रवासाचा योग येऊ शकतो आणि त्यातून चांगला फायदा मिळू शकतो. तसेच आर्थिक स्थिती मजबूत राहील. शिक्षणाच्या क्षेत्रातही लाभ मिळण्याची शक्यता आहे. तुम्ही केलेल्या मेहनतीचे फळ आता मिळू शकते.
कर्क राशी (Cancer Horoscope)
कर्क राशीच्या लोकांसाठी यमाचा श्रवण नक्षत्रात जाणे फायदेशीर ठरू शकते. या राशीच्या सातव्या भावात प्लूटो राहणार आहेत. त्यामुळे अनेक क्षेत्रांत लाभ मिळू शकतो.
वैवाहिक जीवनात सुरू असलेल्या अडचणी दूर होऊ शकतात. जोडीदारासोबत चांगला वेळ घालवता येईल आणि नातं अधिक मजबूत होऊ शकतं. जीवनसाथीच्या मदतीने अनेक क्षेत्रांत यश मिळू शकतं. मात्र व्यवसायातील भागीदारी करताना थोडी काळजी घेण्याची गरज आहे.
कन्या राशी (Virgo Horoscope)
या राशीच्या लोकांसाठी यमाचा श्रवण नक्षत्रात प्रवेश अनेक दृष्टीने खास ठरू शकतो. या राशीच्या पाचव्या भावात प्लूटो राहणार आहेत. त्यामुळे संततीकडून येणाऱ्या अडचणी कमी होऊ शकतात.
मनातील ताणतणाव थोडा कमी होण्याची शक्यता आहे. शिक्षणाच्या क्षेत्रात चालू असलेल्या समस्या दूर होऊ शकतात. तसेच सर्जनशीलतेत वाढ होऊ शकते.
(Disclaimer – या ठिकाणी दिलेली माहिती ज्योतिषशास्त्रावर आधारित असून ती केवळ माहितीसाठी दिली जात आहे. लोकसत्ता या गोष्टींना दुजोरा देत नाही.)
