Weekly Horoscope 8-14 August 2022: येणारा आठवडा ‘या’ राशींसाठी ठरणार शुभ; जाणून घ्या साप्ताहिक राशीभविष्य

काही राशींच्या लोकांना या आठवड्यात विशेष लाभ होण्याची शक्यता आहे. तुमच्या राशीचाही यामध्ये समावेश आहे का, हे जाणून घ्या.

Weekly Horoscope 8-14 August 2022: येणारा आठवडा ‘या’ राशींसाठी ठरणार शुभ; जाणून घ्या साप्ताहिक राशीभविष्य
तुमच्या राशीचाही यामध्ये समावेश आहे का, हे जाणून घ्या. (प्रातिनिधिक फोटो)

साप्ताहिक टॅरो राशीभविष्यानुसार, ऑगस्टचा दुसरा आठवडा काही राशींसाठी खूपच शुभ ठरणार आहे. या लोकांना नोकरी-व्यवसायात यश मिळण्यासोबतच मोठा आर्थिक लाभ होण्याचीही शक्यता आहे. त्याचबरोबर काही लोकांचे वैवाहिक जीवन खूप चांगले राहील. तुमच्या राशीचाही यामध्ये समावेश आहे का, हे जाणून घ्या.

मेष : या आठवड्यात मेष राशीचे लोक व्यस्त राहतील. तुमचे किंवा तुमच्या कुटुंबातील सदस्यांचे आरोग्य बिघडू शकते. समस्या लहान असतानाच डॉक्टरांशी संपर्क साधणे चांगले राहील. मात्र, करिअरच्या दृष्टीने ही वेळ चांगली राहील. तसेच या काळात प्रेम जीवनात आनंद येईल.

वृषभ : या राशीच्या लोकांनी आपले सहकारी आणि कुटुंबियांसोबत चांगले वागावे. विद्यार्थ्यांनी परिश्रम केल्यास चांगले निकाल मिळतील. तसेच, या काळात चांगली बातमी मिळू शकते.

मिथुन : या आठवड्यात या राशीच्या लोकांच्या कामांमध्ये अडथळा येऊ शकतो. सरकारी कामातही अडचणी येऊ शकतात. त्यामुळे धीर धरा आणि वेळेच्या प्रवाहाबरोबर जा.

Mars Transit: रक्षाबंधनाच्या एक दिवस आधी मंगळ बदलणार आपली रास; ‘या’ राशींच्या लोकांना मिळणार आनंदवार्ता

कर्क : या राशीचे लोक गोंधळात अडकू शकतात, त्यामुळे धीर धरा आणि शॉर्टकट घेणे टाळा. दरम्यान, पालकांच्या सल्ल्याकडे लक्ष द्या. या आठवड्यात करिअरमध्ये यश मिळू शकते.

सिंह : जे शेअर मार्केटमध्ये गुंतवणूक करतात, त्यांनी चांगले काम केल्यास भरघोस परतावा मिळू शकतो. या आठवड्यात धनलाभ होईल. करिअरमध्ये सुवर्णसंधी मिळू शकते.

कन्या : या राशीच्या लोकांसाठी हा काळ खूप चांगला आहे. यावेळी त्यांना त्यांच्या कौशल्याचा फायदा होईल. तसेच, त्यांना प्रेमात यश मिळेल. संबंध अधिक चांगले होतील. याचबरोबर व्यापाऱ्यांनाही फायदा होईल.

तूळ : या राशीचे लोक या आठवड्यात प्रवासाला जाऊ शकतात. मात्र, या काळात घरात वाद घालू नका. तुम्हाला कोणाला प्रपोज करायचे असेल तर थांबा. नंतर परिस्थिती बदलू शकते. या आठवड्यात धनलाभ होऊ शकतो. तुम्हाला नवीन नोकरीची ऑफर मिळू शकते.

वृश्चिक : या राशीच्या लोकांना व्यवसायात यश मिळू शकते. मात्र, नोकरी शोधणाऱ्यांसाठी हा काळ फारसा चांगला ठरणार नाही. आरोग्याची काळजी घ्या. या आठवड्यात बचत करण्यात तुम्ही यशस्वी व्हाल.

Zodiac Sign: ‘या’ राशींच्या मुलींवर असते शुक्र-शनिची विशेष कृपा; आर्थिक बाबतीत मिळते नशिबाची साथ

धनु : या आठवड्यात धनु राशीचे लोक काही महत्त्वाच्या बाबींवर काम करू शकतात. प्रणय-प्रेमाच्या दृष्टीने हा आठवडा चांगला राहील. या काळात घराशी संबंधित चिंता तुम्हाला सतावू शकते.

मकर : या राशीच्या लोकांसाठी हा आठवडा चांगला जाईल. तुम्हाला बहुतेक कामात यश मिळेल. व्यावसायिक आणि वैयक्तिक आयुष्य चांगले राहील. या काळात घरातील लोकांची काळजी घ्या.

कुंभ : या आठवड्यात तुम्ही तुमच्या मित्रांना मदत कराल. मोठी स्वप्ने पहा आणि ती पूर्ण करण्याचा प्रयत्न करा. या आठवड्यात तुम्ही खरेदी करू शकता. तसेच, या काळात तुम्हाला फायदा होईल आणि तुमचे नेटवर्कही वाढेल.

मीन : या राशीच्या लोकांना या आठवड्यात सावध राहावे लागणार आहे. त्यांच्या वैवाहिक जीवनात समस्या येऊ शकतात. विद्यार्थ्यांनी मेहनत घ्यावी. एकाच वेळी अनेक समस्या समोर येऊ शकतात.

(येथे देण्यात आलेली माहिती गृहीतके आणि सामान्य माहितीवर आधारित आहे.)

मराठीतील सर्व राशी वृत्त ( Astrology ) बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.

Web Title: 8 14 august 2022 the coming week will be auspicious for these zodiac signs know weekly horoscope pvp

Next Story
Horoscope Today : आजचं राशीभविष्य, सोमवार ८ ऑगस्ट २०२२
फोटो गॅलरी