३ वर्षातून एकदा येते ‘ही’ संकष्टी चतुर्थी, अधिक महिन्यामुळे ठरते खास; पाहा तारीख, चंद्रोदय आणि उपवसाची योग्य वेळ

तारीख

पंचांगानुसार, अधिक मासाच्या कृष्ण पक्षातील चतुर्थी तिथी ३ जून २०२६ रोजी रात्री ९ वाजून २२ मिनिटांनी सुरु होईल. ही चतुर्थी तिथी गुरुवारी ४ जून २०२६ रोजी रात्री ११ वाजून ३० मिनिटांनी संपणार आहे. उदय तिथी लक्षात घेता, विभुवन संकष्टी चतुर्थी ३ जून रोजी असणार आहे.

शुभ वेळ

यावर्षी, विभुवन संकष्टी चतुर्थीला सकाळी ५ वाजून २८ मिनिटांपासून ते ११ वाजून ४६ मिनिटांपर्यंत सिद्धी योग जुळून येईल. जर तुम्ही उपवास करणार असाल तर सकाळी ५ वाजून २३ मिनिटे ते ८ वाजून ५१ मिनिटे या वेळेत बाप्पांची पूजा करू शकतात.

चंद्रोदय वेळ

पंचांगानुसार ३ जून रोजी चंद्र रात्री १० वाजून ४ मिनिटांनी दिसेल. त्यामुळे उपवास ठेवणारे रात्री १० वाजून ४ मिनिटे ते १० वाजून ४३ मिनिटे या वेळेत चंद्राला पाणी अर्पण करून पूजा करू शकतात.

विभुवन संकष्टी चतुर्थीचे धार्मिक महत्त्व

धार्मिक श्रद्धेनुसार, या दिवशी भक्तिभावाने उपवास करणे, गणेश मंत्रांचा जप करणे आणि रात्री चंद्राला पाणी अर्पण केल्याने सर्व प्रकारचे दुःख, अडथळे आणि नकारात्मक प्रभाव दूर होतात. अधिक मास हा स्वतः भगवान विष्णूला समर्पित मानला जातो, त्यामुळे या महिन्यात उपवास, दान आणि पूजेचे महत्त्व अधिकच वाढते. असे मानले जाते की, जे भक्त भक्तिभावाने आणि नियमितपणे हा उपवास करतात, त्यांच्या जीवनातील अडथळे दूर होतात आणि त्यांना सुख, शांती, कीर्ती आणि यश प्राप्त होते.