Akshaya Tritiya 2026 One of the Sade Teen Muhurat) : यंदा १९ एप्रिल २०२६ रोजी अक्षय तृतीया साजरी केली जाणार असून हिंदू धर्मात हा दिवस अत्यंत पवित्र आणि शुभ मानला जातो. मराठी परंपरेनुसार अक्षय तृतीया हा साडे तीन मुहूर्तांपैकी एक शुभ मुहूर्त मानला जाता. या दिवशी केलेले दान, जप, तप किंवा नवीन सुरुवात दीर्घकाळ टिकते, अशी श्रद्धा आहे. ‘अक्षय’ या शब्दाचा अर्थ कधीही न संपणारे असा असल्याने या दिवशी केलेल्या शुभ कार्यांचे फळ कायम वाढत राहते, असे मानले जाते.
साडे तीन मुहूर्त म्हणजे काय? (What are Sade Teen Muhurat)
मराठी संस्कृतीत वर्षातील काही निवडक दिवस अत्यंत शुभ मानले गेले आहेत, ज्यांना‘साडे तीन मुहूर्त’ असे म्हटले जाते. या दिवसांमध्ये कोणतेही शुभ कार्य करण्यासाठी वेगळा मुहूर्त पाहण्याची गरज भासत नाही, कारण संपूर्ण दिवसच शुभ मानला जातो.
साडे तीन मुहूर्तांमध्ये गुढीपाडवा, अक्षय तृतीया, विजयादशमी (दसरा)हे तीन पूर्ण मुहूर्त मानले जातात, तरदिवाळी पाडवा हा अर्धा मुहूर्त मानला जातो. त्यामुळे या चार दिवसांना एकत्रितपणे ‘साडे तीन मुहूर्त’ असे संबोधले जाते.
हे दिवस नवीन सुरुवाती, गुंतवणूक, खरेदी किंवा कौटुंबिक मंगल कार्यांसाठी विशेष शुभ मानले जातात. त्यामुळे अनेकजण या दिवसांची आतुरतेने वाट पाहतात.
अक्षय तृतीया इतकी शुभ का मानली जाते? (Why Akshaya Tritiya is Considered Auspicious)
अक्षय तृतीया हा दिवस समृद्धी, स्थैर्य आणि नवीन सुरुवातींचे प्रतीक मानला जातो. धार्मिक मान्यतेनुसार या दिवशी भगवान विष्णू आणि माता लक्ष्मीची पूजा केल्यास घरात सुख-समृद्धी वाढते. तसेच या दिवशी केलेले दान-पुण्य अनेक पटींनी वाढते, अशी श्रद्धा आहे.
ज्योतिषीय दृष्टिकोनातूनही अक्षय तृतीया हा दिवस अनुकूल मानला जातो. या दिवशी सुरू केलेले कार्य दीर्घकाळ टिकते आणि त्यात यश मिळण्याची शक्यता वाढते, अशी मान्यता आहे.
अक्षय तृतीयेच्या दिवशी कोणती कामे करणे शुभ मानले जाते? (Auspicious Activities on Akshaya Tritiya)
अक्षय तृतीया हा साडे तीन मुहूर्तांपैकी एक असल्याने या दिवशी नवीन व्यवसाय सुरू करणे, दुकान उघडणे किंवा एखाद्या नवीन प्रोजेक्टची सुरुवात करणे शुभ मानले जाते. अनेकजण या दिवशी सोने-चांदी खरेदी करणे किंवा जमीन, घर यासारख्या मालमत्तेत गुंतवणूक करणे पसंत करतात.
याशिवाय विवाह, साखरपुडा किंवा इतर कौटुंबिक मंगल कार्य सुरू करण्यासाठीही हा दिवस उत्तम मानला जातो. धार्मिक दृष्टिकोनातून या दिवशी दान, जप, पूजा आणि मंदिर दर्शन केल्याने सकारात्मक ऊर्जा मिळते आणि मनःशांती लाभते, असे मानले जाते.
परंपरेत साडे तीन मुहूर्तांचे विशेष स्थान (Importance of Sade Teen Muhurat in Tradition)
मराठी संस्कृतीत साडे तीन मुहूर्तांना विशेष महत्त्व आहे. या दिवसांवर अनेक कुटुंबे मोठे निर्णय घेतात, कारण या काळात सुरू केलेले कार्य यशस्वी आणि स्थिर राहते, अशी श्रद्धा आहे.
अक्षय तृतीया हा त्यापैकी एक महत्त्वाचा दिवस असल्याने, प्रत्येक वर्षी या दिवशी नवीन सुरुवाती करण्यासाठी आणि समृद्धीची वाटचाल सुरू करण्यासाठी लोक मोठ्या श्रद्धेने या दिवसाचे स्वागत करतात.
