Chanakya Niti: ‘या’ ३ लोकांपासून नेहमी दूर राहा; ते कधीही करू शकतात तुमचा विश्वासघात!

आचार्य चाणक्य म्हणतात की, जर तुम्हाला आनंदी-यशस्वी जीवन जगायचे असेल आणि स्वतःला संकटांपासून वाचवायचे असेल तर काही लोकांपासून दूर राहणे चांगले आहे. चाणक्यांनी त्यांच्या नीतिशास्त्रात वाईट लोकांच्या काही सवयी सांगितल्या आहेत, ज्या तुमच्या आयुष्याला हानी पोहोचवू शकतात. अशा लोकांशी संबंध ठेवणे धोकादायक ठरू शकते, चला जाणून घेऊया चाणक्य नितीमध्ये कोणत्या लोकांपासून दूर राहण्याचा सल्ला चाणक्यांनी दिला आहे.

‘अशा’ लोकांपासून नेहमी दूरच रहा

१. जास्त गोड बोलणारे लोक

असे लोक जे नेहमी जास्त गोड बोलतात, विनाकारण तुमची स्तुती करतात, अशा लोकांपासून सावध रहा. असे लोक आपला हेतु साधण्यासाठी तुमच्याशी चांगले बोलून कधीही फसवू शकतात. जराही विचार न करता ही लोक कधीही विश्वासघात करू शकतात. त्यामुळे अशा लोकांपासून नेहमी दूर रहा.

२. आपल्या बोलण्यावर ठाम नसलेली लोक

जे लोक नेहमी मोठी आश्वासने देतात परंतु कोणतीही आश्वासने पूर्ण करत नाहीत त्यांच्यापासून दूर रहा. अशी माणसे तुमच्या कधीच उपयोगात येणार नाहीत, उलट संकटाच्या वेळी तुमची साथ सोडतील.

३. विश्वासघातकी लोक

हे लोक ओळखणे थोडे कठीण आहे कारण ते तुमच्या समोर तुमच्या शुभचिंतकासारखे वागतात पण तुमचे नुकसान करण्यात, तुमच्या मागे तुमची प्रतिमा खराब करण्यात व्यस्त असतात. अशा लोकांना ओळखा आणि लगेच त्यांच्यापासून दूर राहा.

(Disclaimer – या ठिकाणी दिलेली माहिती प्राप्त माहितीवर आधारित असून ती केवळ माहितीसाठी दिली जात आहे.)