वैदिक ज्योतिषशास्त्रानुसार प्रत्येक ग्रह एका विशिष्ट अंतराने वक्री आणि मार्गी होतो, ज्याचा परिणाम पृथ्वीवरील मानवी जीवनावर दिसून येतो. अशातच आता ५ जून रोजी शनिदेव वक्री होणार आहेत. ज्यामुळे धन राजयोग बनणार आहे. या राजयोगाचा प्रभाव सर्व म्हणजे १२ राशीच्या लोकांवर दिसून येईल. पण त्यापैकी ३ राशी अशा आहेत, ज्यांना धनलाभ राजयोगाच्या प्रभावामुळे आर्थिक लाभ आणि मान-सन्मान मिळू शकतो. या भाग्यवान राशी कोणत्या हे पाहूया…
मेष राशी –
मेष राशीच्या लोकांसाठी धन राजयोग फायदेशीर ठरू शकतो. कारण तुमच्या उत्पन्न आणि लाभाच्या स्थानी शनिदेव वक्री होणार आहेत. म्हणूनच या काळात तुमच्या उत्पन्नात चांगली वाढ होऊ शकते. तसेत तुमच्या पैशांशी संबंधित सर्व समस्या दूर होऊ शकतात. व्यावसायिकांसाठी हा काळ खूप चांगला ठरु शकतो. या काळात तुम्हाला जुन्या गुंतवणुकीतून फायदा होण्याची शक्यता आहे.
मकर राशी –
हेही वाचा- ‘नवपंचम राजयोग’ बनताच ‘या’ राशींचे नशीब पालटणार? शनीदेवाच्या कृपेने मिळू शकतो अमाप पैसा
धन राजयोग मकर राशीच्या लोकांसाठी अनुकूल ठरू शकतो. कारण शनिदेव तुमच्या गोचर कुंडलीच्या दुसऱ्या स्थानी वक्री होणार आहेत. ज्याला धन आणि वाणीचे स्थान मानले जाते. त्यामुळे या काळात तुम्हाला अचानक धनलाभ होऊ शकतो. तसेच तुम्ही पैशांची बचत देखील करु शकता. या काळात तुमचा आनंदात भर पडण्याची शक्यता आहे. तसेच, तुमच्या बोलण्याचा प्रभाव दिसून येईल, ज्यामुळे लोक प्रभावित होऊ शकतात.
मिथुन राशी –
मिथुन राशीच्या लोकांसाठी धन राजयोग लाभदायक ठरू शकतो. कारण शनिदेव तुमच्या राशीतून पाचव्या स्थानी वक्री होणार आहेत. त्यामुळे तुम्हाला तुमच्या मुलांशी संबंधित काही चांगली बातमी मिळू शकते. यासोबतच मिथुन राशीच्या लोकांची आर्थिक स्थितीही चांगली राहण्याची शक्यात आहे. त्याच वेळी, प्रेम प्रकरणात यश मिळू शकते. तर ज्यांना मूल होण्याची इच्छा आहे, त्यांची इच्छा पूर्ण होऊ शकते.
(टीप: वरील लेख हा प्राप्त माहितीवर आधारित आहे)
मराठीतील सर्व राशी वृत्त बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.
