Daily Horoscope In Marathi, 6 July 2025: आज वारकरी सांप्रदायासाठी अत्यंत खास दिवस आहे. आज ६ जुलै २०२५ रोजी आषाढ महिन्याच्या शुक्ल पक्षातील एकादशी तिथी आहे. या एकादशीला ‘देवशयनी एकादशी’, असे देखील म्हटले जाते. हिंदू पंचांगानुसार, तर ही आषाढी एकादशीची तिथी ५ जुलै (शनिवार) रोजी संध्याकाळी ६ वाजून ५८ मिनिटांनी सुरू होणार असून, ६ जुलै (रविवार) रोजी रात्री ९ वाजून १४ मिनिटांपर्यंत असेल. आज रात्री ९ वाजून २७ मिनिटांपर्यंत साध्य योग जुळून येईल. रात्री १० वाजून ४२ मिनिटांपर्यंत विशाखा नक्षत्र जागृत असणार आहे. राहू काळ ४:३० वाजता सुरु होईल ते ६ वाजेपर्यंत असणार आहे. आषाढी एकादशीच्या या पवित्र दिनी तुमची इच्छा विठ्ठल- रुक्मिणी कशी पूर्ण करणार जाणून घेऊया…
६ जुलै २०२५ पंचांग (Horoscope Today In Marathi, 6 July 2025 )
आजचे मेष राशिभविष्य (Aries Horoscope In Marathi)
कौटुंबिक जिव्हाळा वाढेल. परक्या व्यक्तींपासून दूर राहावे. या आधीचा कामातील अनुभव उपयोगी पडेल. सरकारी कर्मचाऱ्यांनी दुविधा टाळावी. जवळचे मित्र भेटतील.
आजचे वृषभ राशिभविष्य (Taurus Horoscope In Marathi)
आवश्यकता असेल तरच बोलावे. आपल्या मर्जीप्रमाणे वागाल. स्वत:च्या सर्व इच्छा पूर्ण करून घ्याल. दिवस मजेत जाईल. गोडीगुलाबीने कार्य साधाल.
आजचे मिथुन राशिभविष्य (Gemini Horoscope In Marathi)
कामाच्या स्वरुपाचे नवीन मार्ग शोधावेत. क्षणिक मोहात पडाल. स्वत:वर खर्च कराल. आर्थिक उलाढाल चांगल्या प्रकारे होईल. मनात नसती शंका आणू नका.
आजचे कर्क राशिभविष्य (Cancer Horoscope In Marathi)
आपल्या इच्छेला अधिक महत्त्व द्याल. कामात स्त्रियांची चांगली मदत मिळेल. चैन करण्याकडे अधिक कल राहील. व्यवसायातून चांगली कमाई होईल. पुढील गरजांसाठी आत्ताच खर्च कराल.
आजचे सिंह राशिभविष्य (Leo Horoscope In Marathi)
व्यावसायिक कामातून चांगला लाभ मिळवाल. तुमच्या कामाचे कौतुक केले जाईल. वरिष्ठ तुमच्यावर खुश होतील. दिवस आनंदात जाईल. नवीन विचार जोपासले जातील.
आजचे कन्या राशिभविष्य (Virgo Horoscope In Marathi)
धार्मिक गोष्टींची आवड पूर्ण कराल. ग्रह बदलाचा चांगला परिणाम दिसून येईल. आपल्या समोरील व्यावसायिक संधी ओळखा. त्यातून तुमची सकारात्मकता वाढेल. पत्नीशी वाद वाढवू नका.
आजचे तूळ राशिभविष्य (Libra Horoscope In Marathi)
अचानक धनलाभाची शक्यता. कमी श्रमातून कामे साध्य करता येतील. जुनी देणी भागवता येतील. योग्य गुंतवणूक करू शकाल.
आजचे वृश्चिक राशिभविष्य (Scorpio Horoscope In Marathi)
व्यावसायिक अनुकूलता लाभेल. मित्रांच्या ओळखीतून लाभ होईल. प्रेमाचे संबंध अधिक घट्ट होतील. नवीन लोकांशी परिचय वाढवता येईल. जोडीदाराची इच्छा पूर्ण कराल.
आजचे धनू राशिभविष्य (Sagittarius Horoscope In Marathi)
मानसिक शांतता लाभेल. त्यातून नवीन विचारांना चालना देता येईल. तुमच्यातील कल्पकतेला वाव देण्याचा प्रयत्न करावा. हाताखालील लोकांकडून कामे सुरळीत पार पडतील. कौटुंबिक वातावरण स्थिर राहील.
आजचे मकर राशिभविष्य (Capricorn Horoscope In Marathi)
अधिक चपळाईने कामे करता येतील. कलेचा मनमुराद आस्वाद घ्याल. उगाचच येणारा आळस टाळावा लागेल. ऐनवेळी होणारी गडबड टाळावी. कामाचा योग्य आराखडा तयार ठेवावा.
आजचे कुंभ राशिभविष्य (Aquarius Horoscope In Marathi)
घरात टापटीप ठेवाल. घरातील काही कामे स्वत:हून अंगावर घ्याल. दिवस आपल्या स्वत:च्या इच्छेनुसार घालवाल. नवीन ओळखी करून घ्याव्यात. भडक शब्द वापरणे टाळा.
आजचे मीन राशिभविष्य (Pisces Horoscope In Marathi)
निश्चयानुसार वागावे. जवळच्या ठिकाणाला भेट द्याल. जुने मित्र गोळा कराल. कामासाठी काही वेगळे पर्याय शोधावेत. क्षुल्लक गोष्टी फार मनावर घेऊ नका.
ज्योतिषी विद्याधर करंदीकर
