न्यायाची देवता आणि कर्मानुसार फळ देणार्‍या शनिदेवाच्या आशीर्वादाने माणसाचे जीवन सुख-समृद्धीने भरून जाते. दुसरीकडे शनिच्या नाराजीमुळे आयुष्य उध्वस्त व्हायला वेळ लागत नाही. त्यामुळे लोक शनिदेवाला खूप घाबरतात. त्यावर शनिची साडेसाती आणि धैय्यासारखी महादशा खूप त्रास देते. मात्र, शनिदेव प्रसन्न झाल्यावर व्यक्तीला सर्वांगीण लाभ होतो. ज्याप्रमाणे जीवनात शनि अशुभ असण्याची चिन्हे स्पष्टपणे दिसतात, त्याचप्रमाणे शनि शुभ किंवा शनिदेवाचा आशीर्वाद मिळण्याची चिन्हे आहेत. चला जाणून घेऊया कोणती चिन्हे आहेत जी दर्शवतात की व्यक्तीवर शनिदेवाची कृपा होऊ लागली आहे किंवा होणार आहे. सर्वोत्कृष्ट मुलगा आणि जावई सिद्ध होतात ‘या’ राशीची मुलं; सर्वांचे मन जिंकण्यात असतात पटाईत जर शनिवारी शूज आणि चप्पल चोरीला गेली तर ते खूप शुभ चिन्ह आहे. हे सांगते की शनिदेव तुमच्यावर प्रसन्न झाले आहेत आणि आता तुमची सर्व कामे एक एक करून पूर्ण होऊ लागतील.जर तुम्हाला अचानक कुठूनतरी पैसा आला किंवा तुम्ही झपाट्याने श्रीमंत होऊ लागले तर समजा तुमच्यावर शनिदेवाची कृपा आहे. शनि हा अपार संपत्ती आणि ऐश्वर्य देणारा आहे. जेव्हा हे घडते तेव्हा भरपूर दान करा. गरिबांना मदत करा.जर तुमची प्रतिष्ठा झपाट्याने वाढत असेल तर समजा की हे तुमच्यावर शनिच्या कृपेचे परिणाम आहे. शनि प्रसन्न झाल्यावर व्यक्तीची कीर्ती दूरवर पसरते. अशा स्थितीत शनिदेवाचे आभार मानून त्यांची पूजा करावी.शनिदेवाच्या कृपेने आरोग्यही चांगले राहते. जर तुमचे आरोग्य सातत्याने चांगले असेल, कोणत्याही प्रकारचा त्रास होत नसेल, तर हे देखील शनिदेवाच्या कृपेचे लक्षण आहे. जेव्हा असे घडते तेव्हा रुग्णांना मदत करण्यासाठी देणगी द्या. तसेच शनिवारी शनि मंदिरात जाऊन त्याची पूजा करावी. (येथे देण्यात आलेली माहिती गृहीतके आणि सामान्य माहितीवर आधारित आहे.)
