समोर गोड बोलतात, पण पाठीमागे करतात टीका! ‘या’ ३ राशींच्या लोकांपासून जरा सावधच राहा

ज्योतिष शास्त्रात काही अशा राशी सांगितल्या आहेत, ज्यांचे लोक गोड आणि प्रेमाने बोलून कोणाचेही मन सहज जिंकतात. पण जेव्हा त्यांना संधी मिळते, तेव्हा स्वतःचा फायदा करून घेण्यासाठी ते डावपेच खेळायलाही मागे-पुढे पाहत नाहीत. अशा लोकांना ‘गोड बोलणारे पण मनात काहीतरी वेगळे ठेवणारे’ किंवा ‘मीठी छुरी’ असे म्हटले जाते. चला जाणून घेऊया, कोणत्या राशीच्या लोकांमध्ये असा स्वभाव जास्त असतो?

मिथुन राशी- बोलण्यात हुशार

मिथुन ही राशीचक्रातील तिसरी रास आहे आणि तिचा स्वामी बुध आहे. बुधामुळे या राशीच्या लोकांमध्ये बुद्धी, चातुर्य आणि चांगले बोलण्याची कला असते. हे लोक मजेशीर स्वभावाचे आणि बोलण्यात खूप हुशार असतात. लोकांमध्ये मिसळणे हा त्यांचा एक चांगला गुण आहे. पण त्यांच्यात स्वभावाची दोन रूपेही दिसतात. त्यामुळे हे लोक कधी कोणाचे कौतुक करतील आणि कधी त्याच व्यक्तीबद्दल दुसऱ्याच्या कानावर काय सांगतील, हे सांगता येत नाही.

तूळ राशी- नाराजगी टाळणारे

तुला राशीच्या लोकांना कोणाशीही भांडण किंवा नाराजगी ठेवणे आवडत नाही. हे लोक शांत स्वभावाचे असतात आणि प्रत्येक गोष्टीत समतोल साधण्याचा प्रयत्न करतात. यावर शुक्र ग्रहाचा प्रभाव असतो. कोणाचीही नाराजी होऊ नये म्हणून हे लोक गोड बोलून सगळ्यांना खुश ठेवतात. मात्र, वाद आणि भांडण टाळण्याच्या प्रयत्नात कधी-कधी ते असा मार्ग निवडतात, ज्यामध्ये त्यांचा स्वतःचा फायदा दिसतो.

वृश्चिक राशी – जवळीक दाखवण्यात हुशार

वृश्चिक ही राशीचक्रातील आठवी रास आहे आणि ती अनेक रहस्यांनी भरलेली मानली जाते. या राशीचे लोक आकर्षक व्यक्तिमत्त्वाचे आणि हुशार स्वभावाचे असतात. ते समोरच्या व्यक्तीशी इतक्या आपुलकीने वागतात की समोरची व्यक्ती त्यांच्यावर डोळे झाकून विश्वास ठेवते. खरं तर, हे लोक आपली खरी बाजू सहज समोर येऊ देत नाहीत. गोड बोलणे आणि आपुलकी दाखवण्याच्या आडून ते अनेकदा स्वतःचे काम करून घेतात.

(Disclaimer – या ठिकाणी दिलेली माहिती ज्योतिषशास्त्रावर आधारित असून ती केवळ माहितीसाठी दिली जात आहे. लोकसत्ता या गोष्टींना दुजोरा देत नाही.)