१ मे वैशाख पौर्णिमा: चंद्र देवाच्या कृपेने पूर्ण होतील इच्छा; महिन्याच्या पहिल्या दिवशी ‘या’ ४ राशींची होईल भरभराट; बघा तुमच्या नशिबात काय?

दैनिक पंचांग व राशिभविष्य, १ मे २०२६ (Today Horoscope 1 May 2026 In Marathi )

आजचे मेष राशिभविष्य (Aries Daily Horoscope In Marathi)

आत्मविश्वास वाढीस लागेल. ठामपणे विचार नोंदवाल. मैत्रीतील दुरावा वाढू देवू नये. नवीन संधीकडे लक्ष द्यावे. सढळ हाताने मदत कराल.

आजचे वृषभ राशिभविष्य (Taurus Daily Horoscope In Marathi)

गप्पा गोष्टींमधून विनोद निर्मिती कराल. गोड बोलून सर्वांना आपलेसे कराल. कलेला पोषक वातावरण लाभेल. अचानक धनलाभ संभवतो. उत्तम विचार मांडाल.

आजचे मिथुन राशिभविष्य (Gemini Daily Horoscope In Marathi)

काही गोष्टी लपविण्याकडे कल राहील. क्षणिक सौख्याने हुरळून जाऊ नका. जोडीदाराविषयी गैरसमज नकोत. कामातील क्षुल्लक चुका दुरूस्त करा. वरिष्ठांची मर्जी राखावी.

आजचे कर्क राशिभविष्य (Cancer Daily Horoscope In Marathi)

नवीन मैत्रीचे संबंध जुळून येतील. आवडत्या व्यक्तीचा सहवास लाभेल. कामाच्या ठिकाणी हयगय करू नका. क्षुल्लक गोष्टींमुळे मनस्ताप संभवतो. जोडीदाराच्या वागण्याचा शांतपणे विचार करावा.

आजचे सिंह राशिभविष्य (Leo Daily Horoscope In Marathi)

रेस जुगारापासून दूर राहावे. वादाचे मुद्दे टाळण्याचा प्रयत्न करावा. आलेली संधी सोडू नका. मुलांच्या समस्या समजून घ्याव्यात. उत्तम कौटुंबिक सौख्य लाभेल.

आजचे कन्या राशिभविष्य (Virgo Daily Horoscope In Marathi)

घरगुती समस्या दूर कराव्यात. विरोधाला बळी पडू नका. चांगल्या संगतीत रमून जाल. नवे अनुभव गाठीशी बांधाल. वडीलधार्‍यांचा आशीर्वाद लाभेल.

आजचे तूळ राशिभविष्य (Libra Daily Horoscope In Marathi)

मुलांच्या प्रकृतीकडे लक्ष द्यावे. प्रवासात क्षुल्लक अडचण येऊ शकते. जोडीदाराची प्राप्ती वाढेल. भागीदारीतील लाभाकडे काटेकोरपणे लक्ष द्या. कष्ट करण्यास मागे पुढे पाहू नका.

आजचे वृश्चिक राशिभविष्य (Scorpio Daily Horoscope In Marathi)

नातेवाईकांचा विरोध वाढू शकतो. उत्साहाने कामे हाती घ्यावीत. खाण्या पिण्याची पथ्ये पाळावीत. उष्णतेचे विकार बळावू शकतात कौटुंबिक बाबींमध्ये विशेष लक्ष घालावे.

आजचे धनू राशिभविष्य (Sagittarius Daily Horoscope In Marathi)

स्वभावातील हट्टीपणा कमी करण्याचा प्रयत्न करावा. हाताखालील लोक विश्वासू मिळतील. कामे मनाजोगी पार पडतील. जोडीदाराची बाजू समजून घ्यावी. जुन्या कामात गुंतून पडाल.

आजचे मकर राशिभविष्य (Capricorn Daily Horoscope In Marathi)

मानसिक स्थैर्य जपावे. सामाजिक गोष्टींचे भान राखावे. फसवणुकीपासून सावध राहावे. घराबाहेर वावरतांना सतर्क राहा. बोलताना सारासार विचार करावा.

आजचे कुंभ राशिभविष्य (Aquarius Daily Horoscope In Marathi)

किरकोळ जखमांकडे दुर्लक्ष करू नका. अहंभावनेने कामे करू नयेत. स्वत:च्या इच्छेला अधिक महत्त्व द्याल. आततायी वागणे टाळावे. नवीन मित्र जोडण्याचा प्रयत्न करावा.

आजचे मीन राशिभविष्य (Pisces Daily Horoscope In Marathi)

काही खर्च अचानक सामोरी येतील. घरातील कामासाठी वेळ काढाल. व्यावसायिक गोष्टींचे भान राखावे. हातातील कलेसाठी वेळ काढावा. मनातील वैर भावना काढून टाकावी.

ज्योतिषी विद्याधर करंदीकर