Budh Uday 2025 Impact in Marathi: ग्रहांचा राजकुमार बुध हा बुद्धिमत्ता आणि वाणीचा कारक मानला जातो. बुध ग्रहाने चाल बदलली तर याचा परिणाम प्रत्येक राशीच्या व्यक्तींच्या जीवनावर होतो. आता, बुध ग्रह ११ जून रोजी सकाळी ११:५७ वाजता मिथुन राशीत उदित होणार आहे. बुधाच्या या परिवर्तनाचा थेट परिणाम १२ राशींवर दिसून येणार असला, तरी या ३ राशींवर विशेष कृपा होणार असून, त्यांच्या जीवनात यश, पैसा आणि समाधान यांचा वर्षाव होण्याची शक्यता आहे. आता, बुध देवाच्या उदयाने कोणत्या राशींच्या भाग्याचे दार उघडण्याची शक्यता आहे. या भाग्यवान राशी कोणत्या व त्यांना नेमका कसा लाभ होऊ शकतो हे जाणून घेऊया..
बुधदेवाचा उदय; ‘या’ तीन राशींना होणार धनलाभ?
वृषभ (Taurus)
बुधाचा हा उदय वृषभ राशींच्या लोकांसाठी लाभदायी ठरु शकतो. या काळात तुम्हाला व्यवसायात चांगला नफा मिळू शकतो. यावेळी तुम्हाला नवीन नोकरीची ऑफर मिळू शकते. परदेशातून आर्थिक लाभ होऊ शकतात. तसेच, तुमचे पैसे अडकले असतील तर ते या काळात मिळू शकतात. आपल्या प्रलंबित कामांना दिशा व वेग मिळू शकते. तसेच ज्यांचे काम रिअल इस्टेटशी संबंधित आहे त्यांना पूर्ण वर्ष लाभदायक सिद्ध होऊ शकते. कुटुंबात आनंदाचे वातावरण राहू शकते.
सिंह (Leo)
बुधाच्या उदयामुळे सिंह राशीच्या लोकांचे आनंदाचे दिवस येऊ शकतात. या राशीच्या नोकरदार मंडळींना प्रगतीची चिन्हे आहेत. यासोबतच या काळात तुमची प्रमोशन होण्याची शक्यताही निर्माण झाली आहे. येत्या काळात तुम्हाला गुंतवणुकीचा लाभ होऊ शकतो. या काळात तुम्हाला अचानक आर्थिक लाभ होऊ शकतो. राशीच्या लोकांना व्यवसायात चांगले यश मिळू शकते. या काळात तुमचे उत्पन्न वाढू शकते. अविवाहितांना विवाहाचे प्रस्ताव येऊ शकतात.
तूळ (Libra)
बुधाचा हा उदय तूळ राशीच्या लोकांसाठी वरदानच ठरु शकतो. बुधाच्या उदयामुळे तुम्हाला व्यवसायात चांगले पैसे मिळू शकतात. व्यवसायात अपेक्षित यश मिळू शकते. यावेळी तुमची कार्यशैली देखील सुधारेल, तसेच तुमच्या कामाचं ऑफिसमध्ये कौतुक होईल. तसेच नवीन व्यावसायिक संबंध निर्माण होऊ शकतात आणि व्यवसायाचा विस्तार होऊ शकतो. समाजात मान सन्मान वाढू शकतो. तुमच्यासाठी वाहन खरेदीचे योग आहेत.
(Disclaimer – या ठिकाणी दिलेली माहिती ज्योतिषशास्त्रावर आधारित असून ती केवळ माहितीसाठी दिली जात आहे, लोकसत्ता या गोष्टींना दुजोरा देत नाही.)
