सुरु होणार सुवर्णकाळ! गुरुबळ वाढेल, ‘त्रिसुत्री’चा अवलंब करावा लागेल; मकर राशीचा मार्च महिना ‘असा’ असेल…

होळीचा उत्साह मित्रांच्या भेटींमुळे द्विगुणीत होईल. गुढीपाडव्याला नव्या संकल्पना अमलात आणेल. विद्यार्थ्यांनो आता थकून चालणार नाही. जोमाने अभ्यास करायला घ्या. तोंडी परीक्षा, प्रात्यक्षिके, मुलाखती यांत आपली विशेष छाप पाडण्यास स्वतःला तयार कराल. नातेवाईक आणि मित्रांसाठी मदतीचा हात पुढे कराल. नोकरी-व्यवसायाच्या दृष्टीने कल्पकतेला वाव मिळेल.

शिस्तप्रिय आयुष्यात कलेलाही महत्त्व आहे याची जाण होईल. विवाहित मंडळींना आपल्या जोडीदाराच्या विचारांना मान द्यावा लागेल. आपली मते त्याच्यावर लादू नका. दोघांना एकमेकांचा सहवास आनंददायी वाटेल. गुंतवणुकीतून मिळणाऱ्या परताव्यामुळे आर्थिकदृष्ट्या सबळ व्हाल. आहार, व्यायाम, विश्रांती या त्रिसूत्रीच्या अवलंबाने प्रकृती स्वस्थ राहील. मध्यम गुरुबळाचा लाभ चांगला मिळेल.

प्रत्येक दिवस येतो नवीन सुरुवात घेऊन

मकर राशीबद्दल आणखीन सांगायचे झाल्यास शनी म्हणजे विलंब, अडथळे, कष्ट, शोक असे काहीसे समीकरण. पण, शनी म्हणजे चिकाटी, काटकसर, संयम, दीर्घोद्योग ,सुत्रबद्धता हेही तितकेच सत्य आहे. त्यामुळे मकर राशीच्या व्यक्तींमध्ये या दोन्ही छटा दिसून येतात. प्रत्येक दिवस एक नवीन सुरुवात घेऊन येतो असे म्हणतात. आजचा दिवस, पुढचा महिना किंवा अगदी संपूर्ण वर्ष तुमच्या मनासारखा जाण्यासाठी ज्योतिषशात्र नेहमी आपल्याला मदत करतो. ग्रहांची साथ लाभणार का, कोणता सण आपल्यासाठी कोणती गोड बातमी घेऊन येणार हे पाहणेही तितकेच महत्त्वाचे असते. त्यामुळे आज आपण मकर राशीचा मार्च महिना कसा जाणार याबद्दल ज्योतिषतज्ज्ञ सोनल चितळे यांच्याकडून जाणून घेतलं…