‘या’ एका राशीसाठी चंद्रग्रहण सर्वात अशुभ! ‘या’ वेळी घराबाहेर पडू नका; काही राशीच्या लोकांना सावध राहण्याची गरज, सुतक काळ महत्त्वाचा…

चंद्रग्रहण कोणासाठी शुभ ठरणार आणि कोणासाठी अशुभ ठरणार? (Chandra Grahan Negative Impact Rashi)

भारतीय वेळेनुसार ३ मार्च २०२६ रोजी दुपारी वर्षातील पहिले चंद्रग्रहण लागणार आहे. हे ग्रहण सिंह राशीत होणार असून ते पूर्वा फाल्गुनी नक्षत्रात असेल. हे ग्रहण भारतात दिसणार आहे आणि त्याचा मोठा परिणाम जाणवेल. तसेच याचा सुतक काळही मान्य असेल.

२०२६ मध्ये सिंह राशीत लागणारे चंद्रग्रहण

हे चंद्रग्रहण सिंह राशीत लागत असल्याने या राशीच्या लोकांवर त्याचा जास्त परिणाम होऊ शकतो. त्यामुळे सिंह राशीच्या लोकांनी ग्रहणाच्या दिवशी आपल्या रागावर नियंत्रण ठेवावे. वाहन चालवताना काळजी घ्यावी. तब्येतीची विशेष काळजी घ्यावी. विनाकारण कोणताही धोका घेऊ नये. प्रेमसंबंधांमध्येही काही अडचणी निर्माण होऊ शकतात.

या ४ राशींनीही सावध राहण्याची गरज आहे

सिंह राशीव्यतिरिक्त मेष, कर्क, मकर आणि मीन राशीच्या लोकांनीही चंद्रग्रहणाच्या दिवशी विशेष काळजी घ्यावी. चंद्रग्रहणाचा तुमच्यावर नकारात्मक परिणाम होऊ शकतो. धनहानी किंवा मानहानी होण्याची शक्यता आहे. अपघात किंवा आजार होण्याचीही भीती आहे. तब्येतीच्या काही तक्रारी जाणवू शकतात.

३ राशींसाठी चंद्रग्रहण शुभ ठरणार

वृषभ, मिथुन आणि तूळ राशीच्या लोकांसाठी चंद्रग्रहण शुभ परिणाम देऊ शकते. या लोकांना करिअरमध्ये प्रगती होईल. तुमच्या मेहनतीचे चांगले फळ मिळण्याची वेळ आली आहे. अनपेक्षित ठिकाणाहून धनलाभ होऊ शकतो. प्रेमजीवन आणि कुटुंबात आनंदाचे क्षण येतील. उर्वरित राशींवर ग्रहणाचा मिश्र परिणाम दिसून येईल.

चंद्रग्रहणाच्या वाईट परिणामांपासून वाचण्यासाठी उपाय

चंद्रग्रहणाच्या वाईट परिणामांपासून वाचण्यासाठी ग्रहणाच्या काळात शक्यतो बाहेर जाणे टाळावे. मंत्रजप करावा किंवा देवाचे स्मरण करावे. कोणतेही धोकादायक काम करू नये. ग्रहण संपल्यानंतर स्नान करावे आणि घरात गंगाजल शिंपडावे. तसेच मंदिरात किंवा गरजू लोकांना दान करावे. चंद्रग्रहणानंतर तांदूळ, साखर, दूध, मोती आणि पांढरे कपडे दान करणे विशेष शुभ मानले जाते.

(Disclaimer – या ठिकाणी दिलेली माहिती ज्योतिषशास्त्रावर आधारित असून ती केवळ माहितीसाठी दिली जात आहे. लोकसत्ता या गोष्टींना दुजोरा देत नाही.)