ज्योतिषशास्त्रानुसार, जेव्हा जेव्हा ग्रह राशी बदलतो किंवा उदय-अस्त होतो, तेव्हा त्याचा थेट परिणाम मानवी जीवनावर होतो. १३ एप्रिलला देव गुरु बृहस्पती स्वतःच्या मीन राशीत गोचर करणार आहेत. गुरू ग्रह एका राशीत १२ महिने म्हणजेच एक वर्ष असतो. १२ राशीत भ्रमण करताना त्या प्रत्येक राशीत जाण्यासाठी १२ वर्षांचा कालावधी लागतो. त्यामुळे या संक्रमणाचं महत्त्व अधिकच वाढले आहे. ज्योतिष शास्त्रामध्ये गुरूचा संबंध ज्ञान, वाढ, शिक्षक, संतती, शिक्षण, संपत्ती, दान आणि पुण्य यांच्याशी आहे. त्यामुळे गुरु ग्रहाच्या राशी बदलाचा परिणाम सर्व राशींवर होणार आहे. पण तीन राशी आहेत, ज्यांना या राशी बदलामुळे विशेष फायदा होऊ शकते. चला जाणून घेऊया कोणत्या आहेत तीन राशी… वृषभ: गुरूचे संक्रमण तुमच्या राशीतून अकराव्या स्थानात असेल. या स्थानाला उत्पन्न आणि लाभाचे स्थान म्हणतात. त्यामुळे या काळात तुमचे उत्पन्न वाढू शकते. तसेच नवीन स्रोत तयार होतील. व्यवसायात चांगला फायदा होऊ शकतो. व्यावसायिक करार अंतिम होऊ शकतो. ज्याचा तुम्हाला भविष्यात फायदा होईल. या काळात तुमची कार्यशैली देखील सुधारेल, ज्यामुळे तुमचा बॉस तुमच्यावर खूश असेल आणि तुमची प्रशंसा करेल. नवीन व्यवसाय सुरू करू इच्छिणाऱ्यांसाठी वेळ अनुकूल आहे. मिथुन: तुमच्या राशीतून गुरु ग्रह दशम भावात प्रवेश करेल, ज्याला करिअर आणि नोकरीचे स्थान म्हणतात. यावेळी तुम्हाला नवीन नोकरीची ऑफर मिळू शकते. तसेच तुमची बढती होण्याची शक्यता आहे. व्यवसायात चांगला फायदा होऊ शकतो. नवीन व्यावसायिक संबंध निर्माण होऊ शकतात आणि व्यवसायाचा विस्तार होऊ शकतो. जे मार्केटिंग आणि मीडिया क्षेत्राशी संबंधित आहेत त्यांच्यासाठी हा काळ खूप चांगला असणार आहे. दुसरीकडे, मिथुन राशीचा स्वामी बुध ग्रह आहे आणि ज्योतिष शास्त्रानुसार, बुध आणि गुरु ग्रहामध्ये मैत्रीची भावना आहे. त्यामुळे हा काळ तुमच्यासाठी फायदेशीर ठरू शकतो. Mercury Transit 2022: मंगळानंतर बुध ग्रहाचा राशी बदल, १२ एप्रिलला मेष राशीत बुध-राहुचा संयोग कर्क: तुमच्या संक्रमण कुंडलीत गुरू ग्रह नवव्या भावात भ्रमण करेल, जो भाग्याचे घर आणि परदेश प्रवास असल्याचे सांगितले जाते. यावेळी तुम्हाला नशिबाची पूर्ण साथ मिळेल. यासोबतच रखडलेली कामेही होतील. त्याच वेळी, आपण व्यवसायाच्या संदर्भात प्रवास देखील करू शकता, जे फायदेशीर सिद्ध होईल. दुसरीकडे, ज्या लोकांचा व्यवसाय खाद्यपदार्थ, हॉटेल, रेस्टॉरंटशी संबंधित आहे, अशा लोकांना यावेळी विशेष लाभ मिळू शकतो.
