Guru Uday 2026 : वैदिक ज्योतिषशास्त्रानुसार, गुरु ग्रह हा भाग्य, ज्ञान, सुख, समृद्धी आणि विवाहाचा कारक ग्रह आहे. जेव्हा गुरु ग्रहाचा उदय होतो तेव्हा त्याचा शुभ प्रभाव अनेक राशींच्या जीवनावर होत असतो. द्रिक पंचागानुसार, १४ ऑगस्ट २०२६ रोजी गुरु कर्क राशीत उदय पावेल.

कर्क राशी ही गुरूची उच्च राशी मानली जाते. गुरूचा त्याच्या उच्च राशीतील प्रवेश अत्यंत दुर्मिळ आणि शुभ मानला जातो. यामुळे अनेक राशींच्या लोकांच्या जीवनात सकारात्मक बदल घडतील आणि त्यांच्या संपत्तीत वाढ होईल. चला तर मग जाणून घेऊया की गुरूच्या राशी बदलाने कोणत्या राशींचे भाग्य उजळेल.

कर्क

कर्क राशीतील गुरू ग्रहाचा उदय कर्क राशीच्या लोकांसाठीही फायदेशीर ठरेल. हा काळ कर्क राशीच्या लोकांसाठी अत्यंत शुभ राहील. तुमची निर्णयक्षमता मजबूत होईल आणि तुमचा आदर वाढेल. बऱ्याच काळापासून रखडलेला पैसा परत मिळेल आणि उत्पन्नाचे नवीन स्रोत निर्माण होतील. घरात शुभ प्रसंग किंवा धार्मिक विधी पार पडण्याची शक्यता आहे.

वृश्चिक

वृश्चिक राशीच्या व्यक्तींसाठी, गुरुचा हा राशी बदल फलदायी ठरेल. तुमची नियोजित कामे वेळेवर पूर्ण होतील आणि भाग्य पूर्णपणे तुमच्या बाजूने असेल. कामाच्या ठिकाणी पदोन्नती आणि व्यवसायात भरीव आर्थिक लाभ होण्याची शक्यता आहे. धार्मिक किंवा कामाशी संबंधित प्रवास यशस्वी आणि फायदेशीर ठरू शकेल.

हेही वाचा

मीन

मीन राशीचा स्वामी स्वतः गुरू आहे त्यामुळे हे गोचर मीन राशीच्या लोकांच्या ज्ञान, संतती आणि शिक्षणावर शुभ परिणाम करेल. तुम्हाला तुमच्या मुलांकडून काही चांगली बातमी मिळू शकते. जुन्या आर्थिक गुंतवणुकीतून चांगला परतावा मिळू शकतो. विद्यार्थ्यांसाठी हा सुवर्णकाळ असेल आणि त्यांना परीक्षेत यश मिळेल.

(टीप- वरील बातमी प्राप्त माहितीवर आधारित आहे, लोकसत्ता डॉट.कॉम याची पुष्टी करत नाही.)