होळीच्या आधीच सुरू होतील ‘या’ राशींचे अच्छे दिन! शुक्राच्या गोचरामुळे नशीब फळफळणार अन् मिळणार अमाप संपत्ती…

दृक पंचांगानुसार, १ मार्चच्या संध्याकाळी शुक्र गुरुच्या मीन राशीत प्रवेश करेल. या राशीत आधीच शनी देव विराजमान आहेत. मीन ही शुक्राची उच्च रास मानली जाते. त्यामुळे मीन राशीत शुक्राचं गोचर काही राशींसाठी शुभ ठरणार आहे. चला तर जाणून घेऊया त्या भाग्यवान राशी कोणत्या आहेत.

शुक्र मीन राशीत कधी प्रवेश करणार आहेत?

दृक पंचांगानुसार, धनाचा दाता मानला जाणारा शुक्र रविवार, १ मार्च २०२६ रोजी संध्याकाळी ८:३१ वाजता मीन राशीत प्रवेश करेल. शुक्र या राशीत २६ मार्चपर्यंत राहणार आहे.

कर्क राशीसाठी शुक्राचं मीन राशीतलं गोचर कसं राहील?

कर्क राशीसाठी शुक्राचं शनीच्या मीन राशीत होणं फायदेशीर ठरू शकतं. पैशांची आवक वाढेल. प्रत्येक कामात तुम्हाला यश मिळेल. नवीन कामाची सुरुवात करणं शुभ ठरेल. शुक्र ग्रह तुमच्यावर कृपादृष्टी ठेवतील. त्यामुळे तुम्ही तंदुरुस्त राहाल आणि ताणतणाव कमी राहील. आयुष्यात प्रेम आणि रोमांस टिकून राहील.

मेष राशीसाठी शुक्राचं मीन राशीतलं गोचर कसं राहील?

शनीच्या मीन राशीत शुक्राचं गोचर होणं मेष राशीच्या लोकांसाठी फायदेशीर ठरणार आहे. व्यवसाय करणाऱ्यांना नफा मिळेल. या काळात आरोग्यही चांगलं राहील. अडकलेले पैसे परत मिळू शकतात. तसेच घरातील सदस्यांचा पूर्ण पाठिंबा मिळेल.

मिथुन राशीसाठी शुक्राचं मीन राशीतलं गोचर कसं राहील?

मिथुन राशीसाठी शनीच्या मीन राशीत शुक्राचं गोचर शुभ ठरू शकतं. या काळात तुमचा आत्मविश्वास वाढलेला राहील. प्रवास करण्याचीही शक्यता आहे. तुम्ही प्रत्येक काम पूर्ण मेहनतीने पूर्ण कराल. करिअरमध्ये थोड्याफार अडचणी येऊ शकतात, पण त्या जास्त काळ टिकणार नाहीत. आर्थिक स्थिती मजबूत आणि स्थिर राहील.

(Disclaimer – या ठिकाणी दिलेली माहिती ज्योतिषशास्त्रावर आधारित असून ती केवळ माहितीसाठी दिली जात आहे. लोकसत्ता या गोष्टींना दुजोरा देत नाही.)