Numerology : गर्दीत स्वत:ची वेगळी ओळख निर्माण करतात ‘या’ मूलांकाचे लोक; कमावतात खूप पैसा अन् जपतात स्वाभिमान

मूलांक १

ज्या लोकांचा जन्म कोणत्याही महिन्याच्या १, १०, १९ किंवा २८ तारखेला झाला आहे, त्यांचा मूलांक १ असतो. अंकशास्त्रात मूलांक १ चा स्वामी ग्रह सूर्य मानला जातो. याच कारणामुळे या लोकांमध्ये आत्मविश्वास आणि नेतृत्व क्षमता ठासून भरलेली असते. मूलांक १ चे लोक कोणाच्या मागे चालण्याऐवजी स्वतःचा मार्ग स्वतः तयार करणे पसंत करतात. स्वतःचे निर्णय स्वतः घेणे त्यांना आवडते. आयुष्यात कोणतेही आव्हान आले तर घाबरण्याऐवजी ते त्याचा धैर्याने सामना करतात. काहीतरी वेगळे करण्याची इच्छा त्यांच्यात असते. त्यामुळेच योग्य दिशा आणि मेहनत मिळाल्यास हे लोक आपल्या क्षेत्रात मोठी ओळख निर्माण करू शकतात. हे लोक खूप आत्मविश्वासू असतात आणि धोके पत्करण्यास कधीही मागे हटत नाहीत.

मूलांक ३

ज्या लोकांचा जन्म कोणत्याही महिन्याच्या ३, १२, २१ किंवा ३० तारखेला झाला आहे, त्यांचा मूलांक ३ असतो. अंकशास्त्रानुसार या अंकाच्या लोकांमध्ये शिकण्याची, पुढे जाण्याची आणि स्वतःची ओळख निर्माण करण्याची तीव्र इच्छा असते.

मूलांक ३ चे लोक कोणत्याही कामाबाबत नेहमी उत्साही असतात. काहीतरी मोठे साध्य करण्याची त्यांची इच्छा असते आणि म्हणूनच ते सतत मेहनत करतात व अडचणींना घाबरून हार मानत नाहीत. इतरांसारखे बनावे असे त्यांना कधीच वाटत नाही, उलट ते स्वतःचा वेगळा मार्ग निवडतात. लोक त्यांना आपला आदर्श मानतात आणि त्यांच्यासारखे बनू इच्छितात. मिळवलेल्या यशाने त्यांना समाधान तर मिळते, पण कोणतेही यश त्यांना नवीन ध्येय निश्चित करण्यापासून रोखू शकत नाही. आपले विचार उघडपणे मांडण्यात आणि आपली प्रतिभा दाखवण्यात ते कधीही मागे हटत नाहीत. स्वतःच्या मेहनतीमुळे आणि आत्मविश्वासामुळे ते गर्दीतही आपली वेगळी जागा निर्माण करतात.

मूलांक ४

ज्या लोकांचा जन्म कोणत्याही महिन्याच्या ४, १३, २२ किंवा ३१ तारखेला झाला आहे, त्यांचा मूलांक ४ असतो. अंकशास्त्रात मूलांक ४ च्या लोकांना वेगळा विचार करणारे मानले जाते. बाकीचे लोक ज्या प्रकारे काम करतात, त्याच पारंपारिक पद्धतीने काम करण्यावर यांचा विश्वास नसतो. काम करण्याची एखादी नवीन पद्धत दिसल्यास ती वापरून पाहण्यात त्यांना संकोच वाटत नाही. यांचा दृष्टिकोन बराच व्यावहारिक आणि हटके असतो. मूलांक ४ चे लोक ट्रेंड फॉलो करण्याऐवजी स्वतःच्या आवडीनुसार आणि विचारसरणीनुसार आपला मार्ग निवडणे पसंत करतात. हीच सवय त्यांना इतरांपेक्षा वेगळी ओळख मिळवून देते.

(टीप- वरील बातमी प्राप्त माहितीवर आधारित आहे, लोकसत्ता डॉट.कॉम याची पुष्टी करत नाही.)