Numerology Prediction for Money: काही लोक लवकर यशस्वी होतात, तर काहींचे नशीब उशिरा पण अचानक उजळते. ते रातोरात पैसा आणि नाव कमावतात. असे लोक पैशात खेळतात. अंकशास्त्रात अशा ३ मूलांकांचा उल्लेख आहे, जे लोक श्रीमंत आणि यशस्वी होतात.
मूलांक कसा काढायचा?
आता प्रश्न आहे की आपला मूलांक कसा कळेल? त्यासाठी आपल्या जन्मतारखेतील अंकांची बेरीज करा. उदाहरणार्थ, तुमचा जन्म कोणत्याही महिन्याच्या १, १०, १९ किंवा २८ तारखेला झाला असेल तर तुमचा मूलांक १ होतो (२+८=१०, १+०=१). अंकशास्त्रानुसार मूलांक १, ३ आणि ९ असलेल्या लोकांचे नशीब जोरदारपणे बदलते.
मूलांक १ : राजा बनण्यासाठी जन्म
मूलांक १ असलेल्या लोकांबद्दल असे म्हणता येते की ते राजा बनण्यासाठी किंवा मोठ्या पदावर जाण्यासाठीच जन्मलेले असतात. त्यांच्यात खूप चांगली नेतृत्व क्षमता असते. २२ ते ३० वयात केलेल्या मेहनतीनंतर त्यांना अचानक मोठी संधी मिळते आणि त्यांचे आयुष्य बदलते. उदा. राजकारणी, व्यावसायिक.
मूलांक ३ : ज्ञानामुळे मिळते लोकप्रियता
मूलांक ३ असलेले लोक म्हणजे ३, १२, २१ आणि ३० तारखेला जन्मलेले लोक. हे लोक आपल्या ज्ञानामुळे लोकप्रिय होतात. पण त्यासाठी त्यांना खूप मेहनत आणि संघर्ष करावा लागतो. ३२ ते ३५ वयानंतर त्यांना अचानक प्रसिद्धी मिळते. तसेच पैसा देखील त्यांच्याकडे येतो. लोकांना त्यांची किंमत उशिरा समजते. उदा. शिक्षण क्षेत्रातील लोक.
मूलांक ९ : जिंकूनच थांबतात
९, १८ आणि २७ तारखेला जन्मलेल्यांचा मूलांक ९ असतो. या लोकांमध्ये खूप धैर्य आणि ऊर्जा असते. ते खूप मेहनत करतात आणि शेवटी जिंकतातच. ते थोडे आक्रमकही असतात. हार झाल्यावर पुन्हा जिंकण्यासाठी दुप्पट जोमाने प्रयत्न करतात. या लोकांना कधी कधी अचानक प्रसिद्धी आणि पैसा मिळतो. उदा. खेळाडू किंवा सैन्य/सुरक्षा क्षेत्रातील लोक.
जर तुमचा मूलांक यापैकी असेल तर हार मानू नका… तुम्हाला यश आणि पैसा नक्की मिळेल. फक्त प्रयत्न करत राहा.
(Disclaimer – या ठिकाणी दिलेली माहिती ज्योतिषशास्त्रावर आधारित असून ती केवळ माहितीसाठी दिली जात आहे. लोकसत्ता या गोष्टींना दुजोरा देत नाही.)
