Navratri 2025 Brahmacharini Pooja: आज शारदीय नवरात्रीचा दुसरा दिवस आहे. नवरात्रीच्या दुसऱ्या दिवशी देवीच्या ब्रह्मचारिणी रूपाची पूजा केली जाते. देवी ब्रह्मचारिणीला ज्ञान, तपस्या आणि वैराग्याची देवी मानले जाते. ब्रह्मचारिणीच्या रूपाची साधना आणि उपासना केल्यास आयुष्यातील प्रत्येक समस्या दूर होतात. विद्यार्थ्यांसाठी देवी ब्रह्मचारिणीची पूजा सर्वोत्तम मानली जाते. जर कुंडलीमध्ये चंद्र कमजोर असल्यास ब्रह्मचारिणीच्या पूजेने कुंडलीतील चंद्र ग्रह मजबूत होतो, अशी मान्यता आहे.
देवी ब्रह्मचारिणीची पूजा कशी करावी?
- सर्वप्रथम सकाळी किंवा संध्याकाळी अंघोळ करून स्वच्छ पांढऱ्या किंवा पिवळ्या रंगाचे वस्त्र परिधान करावे.
- पूजेत देवी ब्रह्मचारिणीला तुम्ही पंचामृत अर्पण करा. तसेच पूजेवेळी “ॐ ऐं नमः” या मंत्राचा जप करा.
- तसेच या दिवशी देवीला पांढरी फुलं तसेच रंगाच्या विविध वस्तू अर्पण केल्यास भाग्योदय होतो.
देवी ब्रह्मचारिणीच्या पूजेचे महत्व
देवी ब्रह्मचारिणीचे रूप शांत, सौम्य आणि मोहक असून पौराणिक मान्यतेनुसार, देवीच्या ब्रह्मचारिणी रूपाची पू़जा केल्यास व्यक्तिला तप, त्याग आणि वैराग्याची प्राप्ती होते. देवीच्या या रूपाची आराधना केल्यास प्रत्येक कामात यश प्राप्त होते. देवी ब्रह्मचारिणीच्या मंत्रासह चंद्राच्या मंत्रांचा जप देखील सर्वोत्तम मानला जातो. या दिवशी तुम्ही देवी सरस्वतीची देखील आराधना करू शकता.
देवी ब्रह्मचारिणीची कथा
पौराणिक कथेनुसार, देवी ब्रह्मचारिणी ही हिमावन आणि देवी मैनाची कन्या आहे, ज्यांनी नारद मुनींच्या सल्ल्यानुसार भगवान महादेवासाठी कठोर तपश्चर्या केली ज्यामुळे त्यांना महादेव पती म्हणून मिळाले. यासह, या कठोर तपश्चर्येमुळे तिला तपश्चरिणी म्हणजेच ब्रह्मचारिणी म्हणून ओळखले जाऊ लागले.
