तुमच्या जन्मतारखेत लपलंय यशाचं रहस्य! ‘या’ मूलांकाच्या लोकांवर असते ग्रहांची विशेष कृपा, मिळतात प्रचंड ऐश्वर्य, पद अन् प्रतिष्ठा

मूलांक १

अंकशास्त्रानुसार, ज्यांचा जन्म कोणत्याही महिन्याच्या १, १०, १९ किंवा २८ तारखेला झाला आहे, त्यांचा मूलांक १ असतो. मूलांक १ चा स्वामी ग्रह सूर्य आहे. सूर्य ग्रह आत्मा, पिता, नेतृत्व, शक्ती, आत्मविश्वास, उच्च प्रशासकीय पद आणि सर्जनशीलतेचे प्रतीक मानला जातो. हा ग्रह जीवन, प्रकाश, ऊर्जा आणि आत्मविश्वासाशी जोडलेला आहे. त्यामुळे या मूलांकाचे लोक निडर, स्वावलंबी आणि उत्तम नेतृत्वगुण असलेले असतात. यांच्यात नेतृत्वक्षमता ठासून भरलेली असते आणि कोणतेही काम वेळेपूर्वी पूर्ण करण्याची त्यांची क्षमता असते, ज्यामुळे त्यांना समाजात उच्च पद प्राप्त होते.

मूलांक ५

कोणत्याही महिन्याच्या ५, १४ किंवा २३ तारखेला जन्मलेल्या लोकांचा मूलांक ५ असतो. यांचा स्वामी ग्रह बुध आहे. मूलांक ५ चे लोक बुद्धिमान, संतुलित आणि मिळाऊ स्वभावाचे असतात. आयुष्यातील चढ-उतारांना सामोरे जाणे त्यांना सहज जमते आणि त्यांची बुद्धिमत्ता त्यांना प्रत्येक क्षेत्रात यश मिळवून देते. यांच्या नातेसंबंधांबद्दल बोलायचे तर, नवीन संबंध जोडण्यात त्यांना विशेष आनंद मिळतो. स्वभावाने अत्यंत मनमिळाऊ असल्याने यांच्या मित्रांची संख्याही मोठी असते.

मूलांक ६

अंकशास्त्रानुसार मूलांक ६ चे लोकही खूप भाग्यवान मानले जातात. या मूलांकाचा स्वामी ग्रह शुक्र आहे. ज्योतिषशास्त्रात शुक्र ग्रहाला सौंदर्य, प्रेम, ऐश्वर्य, कला, भौतिक सुख आणि वैवाहिक जीवनाचा कारक मानले गेले आहे. त्यामुळे यांच्या आयुष्यात कशाचीही कमतरता भासत नाही. ज्यांचा जन्म कोणत्याही महिन्याच्या ६, १५ किंवा २४ तारखेला झाला आहे, त्यांचा मूलांक ६ असतो. या मूलांकाचे लोक कलाप्रेमी, आकर्षक आणि आयुष्यात सकारात्मकता आणणारे असतात, ज्यामुळे त्यांची आर्थिक स्थिती सदैव मजबूत राहते.

मूलांक ७

ज्यांचा जन्म कोणत्याही महिन्याच्या ७, १६ किंवा २५ तारखेला झाला आहे, त्यांचा मूलांक ७ असतो. या मूलांकाचे लोक आयुष्यात मोठ्या आणि महत्त्वपूर्ण यशोगाथा घडवतात. हे लोक आत्मविश्वासी आणि निडर असतात, तसेच स्वतःच्या कष्टांच्या जोरावर नशीब बदलण्याची ताकद ठेवतात. मूलांक ७ चे लोक अध्यात्म आणि तत्त्वज्ञानाकडे आकर्षित होतात. संशोधन आणि विश्लेषणात्मक कामांमध्ये हे लोक अत्यंत निष्णात असतात.

(टीप- वरील बातमी प्राप्त माहितीवर आधारित आहे, लोकसत्ता डॉट.कॉम याची पुष्टी करत नाही.)