‘या’ तारखेला जन्मलेली मुलं आईची घेतात खूप काळजी! लग्नानंतरही बायकोपेक्षा आईलाच देतात महत्त्व…

आईला दिलं जातं सर्वात उंच स्थान

आईचं स्थान सर्वात उंच असतं, पण अनेकदा लग्नानंतर मुलं आईपासून दूर जातात. मात्र अंकशास्त्रात काही विशिष्ट मूलांक किंवा जन्मतारखा सांगितल्या आहेत, ज्यात काही मुलं आयुष्यभर आईची खूप काळजी घेतात. लग्नानंतरही त्यांचं आईशी खास नातं कायम राहतं. हे मुलगे आईवर प्रेम करण्यात आणि तिची सेवा करण्यात कधीही मागे राहत नाहीत.

प्रत्येक गोष्टीत फक्त आई

प्रत्येक मुलाला लहानपणी आईची सर्वात जास्त गरज असते, पण वेळेनुसार इतर नातीही जोडली जातात. तरीही आईचं नातं वेगळंच असतं. साधारणपणे मुलं वडिलांपेक्षा आईच्या जास्त जवळ असतात, असं मानलं जातं. पण काही मुलं लग्नानंतरही प्रत्येक गोष्टीत फक्त आईलाच प्राधान्य देतात आणि पत्नी मागे राहते. अशा मुलांच्या जन्मतारखा जाणून घ्या.

मूलांक २ – आईशी असतं घट्ट नातं

मूलांक २ चा स्वामी चंद्र आहे, जो मन आणि आईशी संबंधित मानला जातो. ज्या लोकांचा जन्म कोणत्याही महिन्याच्या २, ११, २० आणि २९ तारखेला झाला असेल, त्यांचा मूलांक २ असतो. या लोकांचं त्यांच्या आईशी खूप भावनिक आणि घट्ट नातं असतं. त्यामुळे ते इतर नात्यांना फारसं महत्त्व देत नाहीत.

मूलांक ६ – आईला देतात सर्व सुखसोयी

६, १५ आणि २४ तारखेला जन्मलेल्या लोकांचा मूलांक ६ असतो. मूलांक ६ चे लोकही आपल्या आयुष्यात आईला खूप महत्त्व देतात. ते आपल्या आईच्या प्रत्येक सुखसोयीची चांगली काळजी घेतात. आईला थोडीशीही अडचण आली तरी ते सहन करू शकत नाहीत.

मूलांक ९ – आईची सेवा सर्वात महत्त्वाची

९, १८ आणि २७ तारखेला जन्मलेल्या लोकांचा मूलांक ९ असतो. हे लोक आईची सेवा करण्यात नेहमी पुढे असतात. आईसाठी ते अनेक वेळा आपल्या आयुष्यात मोठे त्याग करतात. चांगलं करिअर, पैसे किंवा पत्नीपेक्षा ते आईलाच जास्त महत्त्व देतात.

संतुलन ठेवतात

ही माहिती ज्योतिषावर आधारित असली तरी अनेक लोकांना नातेसंबंध, करिअर अशा सगळ्या गोष्टींमध्ये संतुलन ठेवता येतं. ते सगळ्यांना पुरेसा वेळ देतात आणि त्यामुळे ते व त्यांचा संपूर्ण परिवार आनंदी जीवन जगतो.

(Disclaimer – या ठिकाणी दिलेली माहिती ज्योतिषशास्त्रावर आधारित असून ती केवळ माहितीसाठी दिली जात आहे. लोकसत्ता या गोष्टींना दुजोरा देत नाही.)