वय वाढतं तसं वाढते संपत्ती! ‘या’ जन्मतारखांचे लोक वयानुसार होतात श्रीमंत; कमावतात अफाट पैसा, तुमची जन्मतारीख यात आहे का?

अंकशास्त्रानुसार याचं उत्तर स्पष्ट आहे. जन्मतारखेवरून काढला जाणारा मूलांक व्यक्तीच्या स्वभावापासून ते त्याच्या आर्थिक भविष्यापर्यंत अनेक गोष्टी ठरवतो. १ ते ९ या अंकांमध्ये प्रत्येक मूलांकाचं स्वतःचं वेगळं महत्त्व आहे; पण काही मूलांक असे आहेत, ज्यांचं नशीब वयानुसार उजळत जातं आणि ते अखेर कोट्यवधींच्या संपत्तीचे मालक बनतात.

सर्वप्रथम बोलायचं झालं, तर मूलांक १ बद्दल. हा अंक अत्यंत प्रभावशाली मानला जातो. सूर्याचा अंक असलेला १ म्हणजे नेतृत्व, आत्मविश्वास व यशाचं प्रतीक. या मूलांकाचे लोक सुरुवातीला संघर्ष करतात; पण हार मानत नाहीत. त्यांच्या आत असलेली जिद्द आणि नेतृत्वगुण त्यांना हळूहळू उंच शिखरावर पोहोचवतात. वय वाढतं तसं त्यांचं करिअर स्थिर होतं आणि संपत्तीची दारं एकामागून एक उघडत जातात. अनेकदा हे लोक मोठ्या पदांवर पोहोचून भरघोस कमाई करतात.

त्यानंतर येतो मूलांक ५ हा बुधाचा अंक. बुध म्हणजे बुद्धिमत्ता, व्यवहारकुशलता आणि संवाद कौशल्य. या मूलांकाचे लोक अत्यंत चतुर असतात. ते संधी ओळखतात आणि योग्य वेळी निर्णय घेतात. सुरुवातीला छोटे व्यवसाय किंवा नोकरीतून प्रवास सुरू होतो; पण नंतर हाच प्रवास मोठ्या उद्योगात बदलतो. विशेष म्हणजे हे लोक केवळ पैसा कमावत नाहीत, तर जमीन-जुमला आणि स्थावर मालमत्तेतही मोठी गुंतवणूक करतात. त्यामुळे वयानुसार त्यांची श्रीमंती वेगाने वाढताना दिसते.

आणि मग येतो सर्वांत आकर्षक मूलांक मूलांक ६. शुक्राचा प्रभाव असलेला हा अंक वैभव, सौंदर्य आणि ऐश्वर्याचं प्रतीक आहे. या मूलांकाचे लोक केवळ दिसायलाच आकर्षक नसतात, तर त्यांचं जीवनही तितकंच ऐश्वर्यपूर्ण असतं. ऐषारामी जीवनशैलीची आवड त्यांना सतत पुढे नेते. आश्चर्याची गोष्ट म्हणजे त्यांच्याकडे पैसा जणू आपोआप खेचला जातो. योग्य संधी, योग्य लोक व योग्य निर्णय यांच्या संगमामुळे हे लोक लवकरच संपन्नतेच्या शिखरावर पोहोचतात.

म्हणूनच प्रश्न उरतो तुमचा मूलांक कोणता आहे? कदाचित तुम्हीही त्या भाग्यवानांमध्ये असाल, ज्यांचं नशीब वयानुसार बदलतं आणि एक दिवस ते कोट्यवधींच्या संपत्तीचे मालक बनतात.

(टीप : वरील सर्व माहिती उपलब्ध स्रोतावरून देण्यात आलेली आहे. त्याच्या तथ्यांबद्दल लोकसत्ता कोणताही दावा करीत नाही, तसेच अंधश्रद्धेला दुजोराही देत नाही.)