October Panchak 2022: No auspicious work can be done for five days after Navratri; Know the reason | Loksatta

October Panchak 2022: नवरात्रीनंतरचे पाच दिवस कोणतेही शुभ कार्य करता येणार नाही; जाणून घ्या कारण

ज्योतिषशास्त्रानुसार पंचक सुरु झाल्यानंतर कोणतेही शुभ कार्य केले जात नाही. पंचकचा कालावधी पाच दिवसांचा असतो.

October Panchak 2022: नवरात्रीनंतरचे पाच दिवस कोणतेही शुभ कार्य करता येणार नाही; जाणून घ्या कारण
October Panchak 2022 (Representative Photo)

आपल्या हिंदू धर्मात कोणतेही शुभ कार्य करण्याआधी शुभ मुहूर्त पाहिला जातो. चांगल्या मुहूर्तास कार्य केल्यास, त्या कार्यात यश मिळते असे मानले जाते. मात्र, ज्योतिषशास्त्रानुसार पंचक सुरु झाल्यानंतर कोणतेही शुभ कार्य केले जात नाही. पंचकचा कालावधी पाच दिवसांचा असतो. वैदिक पंचांगानुसार यंदा गुरुवार, ६ ऑक्टोबरपासून पंचक काळाची सुरुवात होत आहे, तर १० ऑक्टोबरपर्यंत ते समाप्त होईल. शास्त्रांनुसार, पंचक गुरुवारी सुरु झाल्यास, ते शुभ मानले जाते. जाणून घेऊया पंचक कालावधीच्या मुख्य तिथी.

या महिन्यात गुरुवार, ६ तारखेला सकाळी ८ वाजून २९ मिनिटांनी पंचक काळ प्रारंभ होईल आणि सोमवारी १० ऑक्टोबरला ४ वाजून ३ मिनिटांनी ते समाप्त होईल.

वैदिक ज्योतिष शास्त्रानुसार चंद्र ग्रहाच्या धनिष्ट नक्षत्राचा तिसरा टप्पा आणि शतभिषा, पूर्वभाद्रपदा, उत्तराभाद्रपद आणि रेवती नक्षत्र या चार टप्प्यांमधील प्रवासाचा काळ हा पंचक काळ मानला जातो. त्याच वेळी कुंभ आणि मीन राशीत चंद्राचे भ्रमण होत असताना ‘पंचक’ स्थिती निर्माण होते. म्हणजे धनिष्ठा, शतभिषा, उत्तरा भाद्रपद, पूर्वा भाद्रपद आणि रेवती नक्षत्र पंचक अंतर्गत येतात. या नक्षत्रांच्या संयोगाने जो विशेष योग तयार होतो त्याला ‘पंचक’ म्हणतात.

October Month Horoscope 2022: ऑक्टोबर महिन्यात ‘या’ राशींच्या नशिबाचे दार उघडणार; जाणून घ्या तुमचे मासिक राशीभविष्य

साधारणपणे गुरुवारी येणाऱ्या पंचक दिवशी सर्व प्रकारची मांगलिक कामे करण्यास मनाई नाही. मात्र,

‘अग्नि-चौरभयं रोगो राजपीडा धनक्षतिः।

संग्रहे तृण-काष्ठानां कृते वस्वादि-पंचके।।

या श्लोकानुसार पंचक काळात लाकूड गोळा करणे, घराचे छप्पर घालणे, दक्षिण दिशेला प्रवास करणे, खाट बनवणे किंवा नवीन पलंग खरेदी करणे आणि अंतिम संस्कार करणे वर्ज्य मानले जाते.

(येथे देण्यात आलेली माहिती गृहीतके आणि सामान्य माहितीवर आधारित आहे.)

मराठीतील सर्व राशी वृत्त ( Astrology ) बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.

Next Story
२०२३ मध्ये ‘या’ राशींची शनिच्या साडेसातीतून होणार मुक्ती; जानेवारीपासून धनलाभ व नोकरीत प्रगतीचा मोठा योग

संबंधित बातम्या

‘केंद्र त्रिकोण राजयोग’ बनल्याने ‘या’ राशींचे नशिब पालटणार? २०२३ मध्ये मिळणार प्रचंड धनासोबत श्रीमंतीचे योग
गजकेसरी राजयोग बनल्याने ‘या’ ३ राशींना प्रचंड धनलाभाचे योग; ३१ डिसेंबरपासून मिळू शकते तुमच्या नशिबाला कलाटणी
१४ जानेवारी पर्यंत ‘या’ ४ राशीच्या लोकांनी काळजी घ्या! धनहानी सोबत आरोग्यही बिघडण्याची दाट शक्यता
Astrology 2022: ३० जानेवारीपासून चार राशींवर असेल बुध ग्रहाची कृपा; जाणून घ्या
Vastu Shastra: घराच्या ‘या’ दिशेला लावा पोपटाचे चित्र; सर्व दोष नष्ट होतील

व्हिडिओ

ताज्या बातम्या
चीनमध्ये जनआंदोलनानंतर करोना निर्बंध शिथिल 
तृतीयपंथीयांना नोकरीची संधी डावलता येणार नाही; उच्च न्यायालयाने राज्य सरकारला फटकारले
नेत्यांकडे स्वत:ची मते, व्यासंग असावा – देवेंद्र फडणवीस
गोवर रुग्णांच्या नमुन्यांच्या तपासणीसाठी हाफकीन तयार
Maharashtra Karnataka border: एसटीच्या ३८२ फेऱ्या अंशत: रद्द