तुमचा जन्म ‘या’ तारखांना झालाय का? स्वतःच्या जगात राहतात, कला क्षेत्रात यश मिळवतात; बघा तुमच्यात हा गुण आहे का?

अंकशास्त्रानुसार, आपल्या जन्मतारखेतून काढलेला मूलांक आपली विचारसरणी, स्वभाव, कठोर परिश्रम करण्याचा दृष्टिकोन आणि यशाकडे जाण्याची दिशा ठरवतो. मूलांक १ ते ९ पर्यंत असतात. पण, या ९ मूलांकांपैकी दोन विशिष्ट मूलांकाचा उल्लेख आवर्जून केला जातो. कारण हे मूलांक कलाक्षेत्रात स्वतःचे एक वेगळे स्थान निर्माण करतात. या दोन मूलांकामधील पहिला मूलांक ‘६’ आहे, तर दुसरा ‘२’ आहे. या दोन मूलांकामधे असलेल्या अद्वितीय गुणांबद्दल आपण आज जाणून घेणार आहोत…

मूलांक ६

तुमचा स्वामी ग्रह शुक्र आहे. कोणत्याही महिन्याच्या ६, १५ किंवा २४ तारखेला जन्मलेल्या व्यक्तींचा मूलांक ६ असतो. शुक्राच्या प्रभावामुळे, तुम्ही सुंदर आणि अत्यंत सर्जनशील असता. तुम्ही चित्रकला, लेखन, अभिनय, संगीत या क्षेत्रांमध्ये प्रचंड यश संपादन करू शकतात. शिवाय, तुमच्या व्यक्तिमत्त्वाचे आणि बोलण्याची पद्धतीचे इतरांकडून खूप कौतुक केले जाते. हाती घेतलेल्या प्रत्येक कार्यात तुम्ही सर्जनशीलता ओतता. गायनातून किंवा एखादे वाद्य वाजवून ते सामाजिक मेळाव्यांमध्ये ऊर्जा निर्माण करतात.

मूलांक २

तुमचा स्वामी ग्रह ‘चंद्र’ आहे. कोणत्याही महिन्याच्या २, ११, २० किंवा २९ तारखेला जन्मलेल्या व्यक्तींचा मूलांक २ असतो. चंद्राच्या प्रभावामुळे तुमची कल्पनाशक्ती विकसित होते. ही कल्पनाशक्तीच तुम्हाला उत्कृष्ट कलाकार बनवते. तुमच्यात यशस्वी लेखक, पटकथा लेखक, चित्रकार आणि गायक बनण्याची प्रचंड क्षमता असते. तुमचा स्वभाव काहीसा अंतर्मुखी असतो. परिणामी, त्या अनेकदा इतरांपासून अलिप्त राहणाऱ्या, स्वतःच्याच विश्वात रमलेल्या असतात. पण, जेव्हा जेव्हा त्या आपली कला लोकांसमोर सादर करतात, तेव्हा प्रत्येकजण त्यांच्या कलेने आणि व्यक्तिमत्त्वाने भारावून जातात.

(टीप – या ठिकाणी दिलेली माहिती ज्योतिषशास्त्रावर आधारित असून, ती केवळ माहितीसाठी देण्यात आली आहे. लोकसत्ता या गोष्टींना दुजोरा देत नाही…)