‘या’ मूलांकाचे लोक गरीब असले तरी बनतात करोडपती; सुपरस्टार रजनीकांत, क्रिकेटपटू युवराज सिंग यांच्यासारखी घडवतात स्वत:ची कारकीर्द

३ हा आकडा खूप खास आहे. अंकशास्त्रात, ३ हा आकडा खास मानला जातो. कारण तो गुरूचा आकडा आहे. अंकशास्त्रानुसार, ३ ही संख्या गुरूला ग्रह मानते. गुरू हा कीर्ती, भाग्य, आनंद आणि ज्ञानाचा कारक आहे. गुरू भाग्य देतो आणि म्हणूनच ज्योतिषशास्त्रात तो शुभ ग्रह मानला जातो.

बुद्धिमान व्यक्तिमत्व

३ मूलांकाचे लोक बुद्धिमान, क्रिएटिव्ह, महत्त्वाकांक्षी, मेहनती, धाडसी आणि नियमांचे पालन करणारे असतात. हे गुण त्यांना आयुष्यात मोठे यश आणि प्रसिद्धी मिळवण्यास मदत करतात. ते कोणत्याही क्षेत्रात उच्च पदावर पोहोचतात.

स्वाभिमानी

या मूलांकाच्या लोकांमध्ये स्वाभिमानाची भावना तीव्र असते आणि त्यांना कोणासमोर झुकणे आवडत नाही. ते आध्यात्मिक आणि धार्मिक देखील असतात आणि त्यांचा मूळ स्वभाव कायम शिकत राहणे आणि पुढे जाणे हा असतो.

स्वत:च्या बळावर कमवतात संपत्ती

या मूलांकाचे लोक गरिबीत जन्माला आले तरी ते स्वत:च्या बळावर प्रचंड संपत्ती आणि प्रसिद्धी मिळवतात. ते कधीही हार मान नाहीत. ते कोणत्याही आव्हानांवर मात करतात. अभिनेता रजनीकांत यांनी त्यांच्या सुरूवातीच्या काळात खूप संघर्ष केला. त्यांनी सुरूवातीच्या काळात पोर्टर आणि बस कंडक्टर म्हणून काम केले. तसंच क्रिकेटपटू युवराज सिंगने एक उज्ज्वल कारकीर्द घडवली आणि कॅन्सरसारख्या जीवघेण्या आजारावर मात केली.