Raksha Bandhan 2022: What is the significance of tying three knots to Rakhi? Take special care of 'these' things this year | Loksatta

Raksha Bandhan 2022: राखी बांधताना तीन गाठी बांधण्याचे महत्त्व काय? यंदाच्या रक्षाबंधनाला ‘या’ गोष्टींची घ्या विशेष काळजी

धार्मिक मान्यतांनुसार, रक्षाबंधनाच्या दिवशी काही गोष्टींची काळजी घ्यावी लागते. आज आपण रक्षाबंधनाशी संबंधित काही रंजक गोष्टी जाणून घेऊया.

Raksha Bandhan 2022: राखी बांधताना तीन गाठी बांधण्याचे महत्त्व काय? यंदाच्या रक्षाबंधनाला ‘या’ गोष्टींची घ्या विशेष काळजी
धार्मिक मान्यतांनुसार, रक्षाबंधनाच्या दिवशी काही गोष्टींची काळजी घ्यावी लागते. (File Photo)

रक्षाबंधन हा सण दरवर्षी श्रावण महिन्यातील शुक्ल पक्षाच्या पौर्णिमेला साजरा केला जातो. या दिवशी बहीण आपल्या भावाच्या मनगटावर राखी बांधते आणि त्याच्या आरोग्यासाठी आणि आनंदी आयुष्यासाठी प्रार्थना करते. त्याच वेळी, भाऊ आपल्या बहिणीला भेटवस्तू देतो आणि तिचे रक्षण करण्याचे वचन देतो. हिंदू कॅलेंडरनुसार, यावर्षी रक्षाबंधनाचा सण गुरुवार ११ ऑगस्ट २०२२ च्या संध्याकाळपासून सुरू होईल आणि शुक्रवार १२ ऑगस्ट २०२२ च्या सकाळपर्यंत चालेल. धार्मिक मान्यतांनुसार, रक्षाबंधनाच्या दिवशी काही गोष्टींची काळजी घ्यावी लागते. आज आपण रक्षाबंधनाशी संबंधित काही रंजक गोष्टी जाणून घेऊया.

रक्षाबंधनाला बहीण भावाच्या मनगटावर राखी बांधते तेव्हा रक्षाबंधनाच्या धाग्यावर तीन गाठी बांधतात. धार्मिक मान्यतेनुसार राखी बांधताना तीन गाठी बांधणे शुभ मानले जाते कारण या तीन गाठी ब्रह्मा, विष्णू आणि महेश या त्रिमूर्तीशी संबंधित आहेत. राखीची पहिली गाठ भावाच्या दीर्घायुष्यासाठी, दुसरी गाठ स्वत:च्या दीर्घायुष्यासाठी, तिसरी गाठ भाऊ-बहिणीच्या नात्यात गोडवा आणण्यासाठी बांधली जाते, असे म्हणतात. अशा स्थितीत राखी बांधताना तीन गाठी बांधणे शुभ असते.

Raksha Bandhan Gift Ideas for Sister : यंदाच्या रक्षाबंधनाला आपल्या लाडक्या बहिणीला ‘या’ भेटवस्तू देऊन करा सरप्राइज

गुरुवार, ११ ऑगस्ट रोजी सकाळी १० वाजून ३८ मिनिटांनी पौर्णिमा सुरू होत आहे. परंतु ती भद्रा पूर्ण आहे. ज्योतिषशास्त्रातील ‘शुभकरम् पुच्छम व वसरे शुभकारी रात्रौ’ या तत्त्वानुसार गुरुवारी सायंकाळी ५ वाजून ४० मिनिटांनंतर शुभ योग तयार होईल. भद्राच्या शेवटी, रात्री ८ वाजून ५४ मिनिटे ते ९ वाजून ४९ मिनिटांपर्यंत राखी बांधता येईल. परंतु हिंदू धर्माच्या मान्यतेनुसार सूर्यास्तानंतर राखी बांधण्यास मनाई आहे. १२ ऑगस्ट रोजी भद्रा नाही, परंतु पौर्णिमा सकाळी ७ वाजून १६ मिनिटांपर्यंत आहे. याच कारणामुळे १२ ऑगस्टला रक्षाबंधनाचा सण साजरा करणे शुभ मानले जाईल.

धार्मिक मान्यतेनुसार राखी बांधताना भावाचे तोंड पूर्व दिशेला आणि बहिणीचे तोंड पश्चिम दिशेला असावे. सर्वप्रथम बहिणी आपल्या भावाला कुंकू आणि तांदूळ यांचा टीका लावावा. तुपाच्या दिव्याने भावाला ओवाळावे. त्यानंतर त्याला मिठाई भरवून भावाच्या उजव्या हाताच्या मनगटावर राखी बांधावी.

(येथे देण्यात आलेली माहिती गृहीतके आणि सामान्य माहितीवर आधारित आहे.)

मराठीतील सर्व राशी वृत्त ( Astrology ) बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.

Next Story
Horoscope Today : आजचं राशीभविष्य, बुधवार ३ ऑगस्ट २०२२

संबंधित बातम्या

‘लक्ष्मी नारायण राजयोग’ तयार झाल्याने ‘या’ राशींचे भाग्य चमकणार? २०२२ च्या शेवटी मिळेल प्रचंड धनलाभाची संधी
१ जानेवारी पासून गुरु ‘या’ ३ राशींना देणार प्रचंड धनलाभाची संधी; ६ महिने अमाप पैसे कमावू शकतील ‘ही’ मंडळी
शनिच्या नक्षत्रात ३ मोठ्या ग्रहांची युती झाल्याने ‘३’ राशींना बक्कळ धनलाभाचे योग; २०२३ मध्ये लक्ष्मी होणार प्रसन्न
२०२३ मध्ये कर्मदाता शनिदेवामध्ये होणार सर्वात मोठा बदल; ‘या’ ३ राशींचे सुरू होतील ‘अच्छे दिन’, मिळेल प्रचंड पैसा
२०२२ च्या शेवटी ‘या’ ३ राशींचे नशीब पालटणार? तीन ग्रहांच्या बदलामुळे मिळणार प्रचंड धनलाभाची संधी

व्हिडिओ

ताज्या बातम्या
“…तर आता यांच्या पोटात गोळा यायला लागला”, उद्धव ठाकरेंचं राज ठाकरेंवर टीकास्र
“…तर तुम्ही मूर्ख, खोटारडे आणि ढोंगी आहात” उद्धव ठाकरेंवरील ‘त्या’ आरोपांवरून राऊतांचा भाजपावर घणाघात
पुणे: गडकिल्ले संवर्धनासाठी दोन वर्षांनंतर समित्या स्थापन
पुणे: नवले पुलाजवळ पुन्हा अपघात; ट्रकची मालवाहू गाडीला धडक; सात जण जखमी
“आजच्या गद्दारीची तुलना छत्रपती शिवाजी महाराजांच्या आग्रा सुटकेशी केली”, उद्धव ठाकरेंचा मंगलप्रभात लोढांसह शिंदेंवर हल्लाबोल