रक्षाबंधनाला कोणत्या रंगाची राखी बांधावी? राखी बांधताना ‘या’ ३ गोष्टी नक्की करा, पंडितांनी सांगितला शुभ रंग आणि मुहूर्त

भाऊ आपल्या बहिणींना भेटवस्तू देतात आणि आयुष्यभर त्यांचे रक्षण करण्याचे वचन देतात. तसेच, रक्षाबंधनाच्या दिवशी बहिणीने भावाला कोणत्या रंगाची राखी बांधावी, हे देखील महत्त्वाचे मानले जाते. तर चला, पंडित प्रवीण मिश्रा यांच्याकडून जाणून घेऊया की कोणत्या रंगाची राखी बांधणे शुभ मानले जाते.

‘या’ रंगाची बांधा राखी (Shubh Color For Rakhi)

पंडित प्रवीण मिश्रा यांच्या मते, आपल्या सनातन धर्मात पिवळ्या रंगाला सर्वात शुभ मानले जाते. त्यामुळे बहिणी आपल्या भावाला पिवळ्या रंगाची राखी बांधू शकतात. याशिवाय लाल रंग देखील शुभ मानला जातो, त्यामुळे लाल रंगाची राखीही बांधू शकता.

-जर काही कारणामुळे पिवळ्या किंवा लाल रंगाची राखी उपलब्ध नसेल, तर बहिणी लाल रंगाचे रक्षासूत्र अर्थात मौली वापरू शकतात. आजकाल लाल आणि पिवळ्या रंगाचे मिश्रण असलेली मौलीही मिळते. अशा वेळी बाजारातून आणलेली राखी बांधण्यापूर्वी भावाच्या मनगटावर रक्षासूत्र बांधणे शुभ मानले जाते. त्यानंतर राखी बांधू शकता.

-यासोबतच दुसरी महत्त्वाची गोष्ट म्हणजे भावाची आरती करताना तुपाचा दिवा लावावा. यासाठी शुद्ध तुपाचाच वापर करावा. जे शुद्ध तूप तुम्ही खाण्यासाठी वापरता, त्याच प्रकारचे तूप पूजेसाठीही वापरावे. बाजारात पूजेसाठी म्हणून मिळणारे नकली तूप वापरणे टाळावे.

-तिसरी महत्त्वाची गोष्ट म्हणजे राखी बांधताना भावाचे तोंड पूर्व दिशेकडे असावे. त्यामुळे भावाला अशा प्रकारे बसवावे की त्याचे तोंड पूर्व दिशेकडे असेल. या दिशेकडे तोंड करून राखी बांधणे शुभ मानले जाते.

राखी बांधण्याचा शुभ मुहूर्त (Raksha Bandhan 2026 Shubh Muhurat)

रक्षाबंधनाच्या दिवशी आज राखी बांधण्यासाठी सर्वात शुभ मुहूर्त सकाळी ६ वाजून २३ मिनिटांपासून ते सकाळी ९ वाजून ४८ मिनिटांपर्यंत असेल. याशिवाय, काही कारणामुळे सकाळचा मुहूर्त चुकला तर राखी अभिजीत मुहूर्तातही बांधता येईल. हा मुहूर्त सकाळी ११ वाजून ५६ मिनिटांपासून ते दुपारी १२ वाजून ४८ मिनिटांपर्यंत असेल.

(Disclaimer – या ठिकाणी दिलेली माहिती ज्योतिषशास्त्रावर आधारित असून ती केवळ माहितीसाठी दिली जात आहे. लोकसत्ता या गोष्टींना दुजोरा देत नाही.)