शनी-मंगळ युती: ३ राशींचा खडतर काळ होईल सुरु; ‘या’ गोष्टींपासून राहा सावध; बघा तुमची रास तर नाही ना?

स्फोटक योगाचा कोणत्या राशींवर होणार परिणाम?

मिथुन

मंगळ आणि शनीच्या या युतीमुळे तुमचा मानसिक ताण वाढू शकतो. कामाच्या ठिकाणी वारंवार येणाऱ्या अडथळ्यांमुळे कामाचा वेग मंदावू शकतो, पाहिजे ते निकाल लागण्यास उशीर होऊ शकतो. इतरांसोबत गैरसमज,मतभेद, आर्थिक बाबतीत सावधगिरी बाळगणे महत्त्वाचे ठरणार आहे. कारण – अचानक खर्च होण्याची शक्यता आहे. नोकरदार व्यक्तींना वरिष्ठांकडून दबावाला सामोरे जावे लागू शकते, ज्यामुळे त्यांच्या आत्मविश्वासावर परिणाम होऊ शकतो. प्रवास, आरोग्याशी संबंधित किरकोळ समस्या देखील उद्भवू शकतात.

धनु

या संयोगाचा कौटुंबिक आणि मानसिक संतुलनावर परिणाम होऊ शकतो. घरातील वातावरण थोडे तणावपूर्ण राहू शकते आणि अगदी लहानसहान गोष्टींवरूनही वाद होऊ शकतात. निर्णय घेण्यामध्ये अनिश्चितता येऊ शकते, ज्यामुळे कामात विलंब होऊ शकतो. बचतीत घट आणि खर्चात वाढ झाल्यामुळे आर्थिक स्थितीही थोडी कमकुवत होऊ शकते. अपेक्षित करिअर प्रगतीच्या अभावामुळे असमाधान निर्माण होऊ शकते. नात्यांमधील वाढते अंतर आणि आरोग्याच्या समस्या, विशेषतः झोप किंवा पचनाशी संबंधित समस्या, ही देखील चिंतेची बाब असू शकते.

मीन

ही युती तुमच्यात राशीत होत असल्याने, तुमच्यावर प्रभाव जास्त दिसून येईल. जीवनात अचानक चढ-उतार, अस्थिरता जाणवू शकते. आत्मविश्वास कमी होऊ शकतो, घेतलेल्या निर्णयांचे अपेक्षित परिणाम मिळणार नाहीत. कामाच्या ठिकाणी सततच्या अडथळ्यांमुळे निराशा वाढू शकते. आर्थिक नुकसान किंवा अनियंत्रित खर्च होऊ शकतो. नात्यांमधील वाढत्या गैरसमजांमुळे एकटेपणाची भावना येऊ शकते. मानसिक ताण आणि थकवा कायम राहू शकतो, ज्याचा आरोग्यावरही परिणाम होऊ शकतो.

(टीप – या ठिकाणी दिलेली माहिती ज्योतिषशास्त्रावर आधारित असून, ती केवळ माहितीसाठी देण्यात आली आहे. लोकसत्ता या गोष्टींना दुजोरा देत नाही.)