Shani Margi 2024 : वैदिक पंचागानुसार, शनीने १५ नोव्हेंबर रोजी रात्री ८ वाजून ३० मिनिटांनी कुंभ राशीत प्रवेश केला आहे. ज्योतिषशास्त्रानुसार, शनी संथ गतीने फिरणारा ग्रह आहे, ज्यामुळे तो अडीच वर्षे एकाच राशीत भ्रमण करतो. कधी उलटी चाल (वक्री) तर कधी सरळ चाल (मार्गी) याप्रमाणे तो फिरत असतो. यात नव वर्षाच्या आधी शनी मार्गी होणार असल्याने काही राशींसाठी हे शुभ संकेत मानले जातात. ज्योतिषशास्त्रानुसार, वर्ष २०२४ संपताच शनी अनेक राशींसाठी प्रगतीचे दरवाजे उघडू शकतो. अशा परिस्थितीत शनी मार्गी असल्यामुळे कोणत्या राशींचे नशीब फळफळणार आहे हे जाणून घेऊया.
शनी मार्गी झाल्याने बदलणार ‘या’ राशींचे नशीब, धन- संपत्तीने समृद्ध होईल जीवन (Shani Margi 2024)
मेष (Mesh Rashi)
मेष राशीच्या लोकांसाठी हा काळ फायदेशीर ठरू शकतो. व्यवसायात चांगला फायदा होऊ शकतो, करिअरमध्ये प्रगती होईल. कामात मान-सन्मान मिळू शकतो. नोकरीच्या ठिकाणी वरिष्ठांकडूनही तुम्हाला मदत मिळू शकेल. तुमच्या कामाचे कौतुक होऊ शकते. तुम्ही नोकरी करत असाल तर तुमचा पगार वाढू शकतो. नोकरीच्या शोधात असलेल्या लोकांना नवीन नोकरी मिळू शकते.
मिथुन (Mithun Rashi)
शनी मार्गी झाल्याने मिथुन राशीच्या लोकांना प्रत्येक क्षेत्रात यश मिळवता येऊ शकते. धैर्य आणि शक्ती वाढू शकते. शत्रूंवर विजय मिळवता येऊ शकतो. तसेच कामात मान-सन्मानही वाढू शकतो. कोणताही जुना आजार तुम्हाला त्रास देत असेल तर त्यापासूनही तुम्हाला आराम मिळू शकतो. तुमची आर्थिक स्थिती चांगली राहू शकते. व्यवसायात यश मिळू शकते. या काळात तुम्हाला मोठी रक्कम मिळू शकते. एकूणच हा काळ तुमच्यासाठी चांगला राहील.
सिंह (Sigh Rashi)
सिंह राशीच्या लोकांसाठी हा काळ सुख-सुविधांनी समृद्ध असू शकतो. घरात आनंदी वातावरण राहू शकते. आर्थिक स्थिती चांगली राहू शकते. वैवाहिक जीवनात येणाऱ्या समस्याही कमी होऊ शकतात. कोर्ट केसेसमध्येही तुम्हाला फायदा होऊ शकतो.
धनु (Dhanu Rashi)
धनु राशीच्या लोकांसाठी एक आनंदाची बातमी आहे, त्यांच्यासाठी शनीची साडेसाती संपत आहे, यामुळे मानसिक ताण कमी होत त्यांना आराम मिळू शकतो. विशेषत: प्रवासाशी संबंधित काम करणाऱ्यांना फायदा होऊ शकतो. तुमच्या योजना यशस्वी होण्यास मदत होऊ शकते. आर्थिक लाभासह तुम्हाला तुमच्या जोडीदाराकडून सहकार्य मिळू शकते.
कुंभ (Kumbha Rashi)
कुंभ राशीच्या लोकांसाठी हा काळ अतिशय शुभ राहील. कोणत्याही कामात तुम्हाला भाग्याची साथ मिळू शकते. प्रगतीच्या संधी मिळू शकतात. शनीच्या या बदलामुळे कुंडलीत एक विशेष योग तयार होईल, ज्यामुळे आत्मविश्वास वाढेल. व्यवसायात लाभ होईल. करिअरमध्ये तुम्हाला अनेक नवीन संधी मिळू शकतात.
