पुढच्या २ महिन्यात शनी ‘या’ ४ राशींवर होणार मेहरबान! मार्गी होताच मिळेल कर्माचं चांगलं फळ, नशिबी प्रचंड पैसा अन् सुख-समृद्धी

वृषभ रास (Taurus Horoscope)

शनी मार्गी होणं वृषभ राशीच्या लोकांसाठी शुभ ठरणार आहे. कामाच्या ठिकाणी वरिष्ठ अधिकाऱ्यांचं पूर्ण सहकार्य मिळेल. जुन्या गुंतवणुकीतून चांगला आर्थिक फायदा होण्याची शक्यता आहे. मालमत्तेशी संबंधित मोठा लाभ मिळू शकतो. करिअरमध्ये प्रगतीच्या नवीन संधी मिळतील. व्यवसायातही यश मिळेल.

तूळ रास (Libra Horoscope)

तूळ राशीच्या लोकांसाठी शनीची सरळ चाल फायदेशीर ठरणार आहे. आर्थिक स्थितीत सुधारणा होईल. रखडलेली कामं पूर्ण होतील. मोठा धनलाभ होण्याची शक्यता आहे. नवीन घर किंवा वाहन खरेदी करण्याचा योग आहे. भौतिक सुख-सुविधांमध्ये वाढ होईल. वैवाहिक जीवन आनंदी राहील.

मकर रास (Capricorn Horoscope)

मकर राशीच्या लोकांसाठी शनी मार्गी होणं शुभ ठरणार आहे. धनलाभाचे नवीन मार्ग खुले होतील. नोकरी आणि व्यवसायात मोठं यश मिळेल. उत्पन्नाचे नवीन स्रोत निर्माण होतील. अनेक दिवसांपासून सुरू असलेल्या मोठ्या समस्येचं समाधान मिळेल. तब्येतीतही सुधारणा दिसून येईल.

कुंभ रास (Aquarius Horoscope)

कुंभ राशीच्या लोकांसाठी शनी मार्गी होणं लाभदायक ठरणार आहे. कामाच्या ठिकाणी केलेल्या मेहनतीचं फळ मिळेल. नोकरीत बढती मिळण्याची शक्यता आहे. अनेक दिवसांपासून अडकलेली कामं अचानक पूर्ण होऊ लागतील. धनलाभाचे मार्ग खुले होतील. जुन्या आजारातून आराम मिळण्याचे संकेत आहेत.

शनी मार्गी होणं म्हणजे काय?

जेव्हा एखादा ग्रह वक्री म्हणजे उलटी चाल थांबवून पुन्हा आपल्या नेहमीच्या सरळ गतीने चालू लागतो, तेव्हा त्या ग्रहाला मार्गी झालं असं म्हणतात. वैदिक ज्योतिषानुसार, वक्री अवस्थेत ग्रहांमुळे अनेक कामांमध्ये अडथळे येऊ शकतात आणि गोंधळाची परिस्थिती निर्माण होऊ शकते. पण ग्रह मार्गी झाल्यानंतर त्याचे अशुभ परिणाम कमी होऊ लागतात आणि शुभ परिणाम मिळू लागतात. ११ डिसेंबरला शनी मार्गी झाल्यानंतर करिअरमधील अडथळे दूर होतील आणि मेहनतीचं योग्य फळ मिळण्यास सुरुवात होईल.

(Disclaimer – या ठिकाणी दिलेली माहिती ज्योतिषशास्त्रावर आधारित असून ती केवळ माहितीसाठी दिली जात आहे. लोकसत्ता या गोष्टींना दुजोरा देत नाही.)