पाच राजयोगांचा गुढीपाडवा! हिंदू नववर्षात ‘या’ राशींच्या नशिबाला मिळू शकते कलाटणी; तुम्हाला धनलाभ कधी?

गुढीपाडव्यापासून ‘या’ तीन राशींचे अच्छे दिन सुरु?

तूळ रास (Libra Zodiac)

पाच पैकी मुख्य चार राजयोग हे आपल्या राशीच्या सहाव्या स्थानी तयार होत आहेत हे स्थान भाग्याचे असल्याने येत्या काळात तुम्हाला प्रत्येक कामात नशिबाची साथ लाभू शकते. तुमचे शत्रू दूर होण्यास हा काळ अधिक उपयुक्त ठरू शकतो. जे लोक तुमच्या विरुद्ध होते तेच तुमच्या पाठीशी उभे राहतील मात्र त्याआधी तुम्हाला स्वतः एक पाऊल पुढे टाकावे लागू शकते. हिंदू नववर्षात तुम्हाला वाडवडिलांच्या संपत्तीची मोठी मदत होऊन आर्थिक स्थितीत सुधारणा होऊ शकते. तुम्हाला कर्जमुक्त होता येईल. तूळ राशीच्या भाग्यात विवाह योग सुद्धा भक्कम आहे.

आणखी वाचा

“मार खाऊ शकता” म्हणणाऱ्या घनश्याम दरोडेला गौतमी पाटीलचं सडेतोड उत्तर; म्हणाली, “मी इतकंच म्हणेन…”

मुंबईत कडक बंदोबस्त, ११ जूनपर्यंत पाचहून अधिक लोकांना एकत्र येण्यास मज्जाव; नेमकं कारण काय?

ऋतुराज गायकवाडने होणाऱ्या पत्नीबरोबरचा पहिला फोटो केला शेअर, सायली संजीव म्हणाली…

पोलीस महिलेला बघून तरुणाने मर्यादा ओलांडली; मान धरली, किस केलं आणि… तिने पुढे जे केलं, पाहून व्हाल थक्क

धनु रास (Dhanu Zodiac)

१७ जानेवारी २०२३ ला धनु राशीला शनीच्या साडेसातीतून मुक्ती मिळाली आहे यामुळे येणारे संपूर्ण वर्ष हे आपल्या प्रचंड फायद्याचे ठरू शकते. शनिदेव आपल्यावर मेहेरबान ठरू शकतात. तुमचे मित्र तुमच्या प्रचंड कामी येऊ शकतील. स्वभाव दोषामुळे तुम्ही काहींना दुखावू शकता. धनु राशीच्या चतुर्थ स्थानी चार राजयोग तयार होत आहेत. हे भौतिक सुख स्थान मानले जाते. त्यामुळे तुम्हाला या काळात सर्व भौतिक सुखं मिळू शकतात. यासोबतच तुम्हाला मातृपक्षाकडून आनंद आणि लाभ होऊ शकतो. वाहन सुख मिळू शकते तर तुम्ही नवीन मालमत्ता खरेदी करण्याचा विचार करू शकता.

हे ही वाचा<< १९२३ नंतर पहिल्यांदा जुळले चार महाराजयोग; ‘या’ 5 राशींचे नशीब पालटणार? बँक बॅलन्समुळे बदलू शकते आयुष्य

वृषभ रास (Taurus Zodiac)

शनिदेव आपल्या राशीच्या गोचर कुंडलीत ११ व्या स्थानी गोचर करत आहेत तर हे राजयोग आपल्या राशीच्या लाभ स्थानी तयार होणार आहे. या स्थानी आपल्या राशीच्या धनस्वामींचे वास्तव्य आहे. येत्या काळात तुम्हाला तुमच्या बुद्धीच्या जोरावर प्रचंड धनलाभ मिळवता येऊ शकतो. तुमच्या मदतीने एखाद्याला आयुष्यात पुढे जाण्याची संधी लाभू शकते. वृषभ राशीच्या मंडळींना संतती प्राप्तीचे सुद्धा योग आहेत. नोकरदार मंडळींना रातोरात नशीब पालटण्याची संधी लाभू शकते तुम्ही किती गंभीरतेने या संधीकडे पाहता यावर सगळं काही अवलंबून असणार आहे. नव्या घराच्या खरेदीचे योग आहेत.

(टीप: वरील लेख हा प्राप्त माहितीवर आधारित आहे)