उद्यापासून ‘या’ ५ राशींवर शनीचं सावट! साडेसातीमुळे वाढू शकतात अडचणी; पुढील १ वर्ष राहा सावध…

ज्योतिषांच्या मते, सध्या मीन, कुंभ आणि मेष राशीच्या लोकांवर शनीची साडेसाती सुरू आहे, तर सिंह आणि धनु राशीच्या लोकांवर ढैय्याचा प्रभाव आहे. पुढील काळात, म्हणजे २०२७ मध्ये जेव्हा शनी आपली रास बदलेल, तेव्हा या सर्व राशींवरील प्रभावही बदलणार आहे. पण तोपर्यंत, म्हणजे पुढील जवळपास एक वर्ष, या राशींच्या लोकांनी थोडं सावध राहणं गरजेचं आहे.

अशा परिस्थितीत शनी जयंतीचा दिवस खूप खास मानला जातो. या दिवशी केलेले उपाय शनीचा अशुभ प्रभाव कमी करण्यास मदत करू शकतात. त्यामुळे ज्यांच्यावर साडेसाती आणि ढैय्याचा प्रभाव आहे, त्यांनी काही खास उपाय नक्की करावेत. आता जाणून घेऊया, या राशींवर शनीचा प्रभाव कसा असेल आणि शनी जयंतीच्या दिवशी त्यांनी काय करायला हवं.

मेष राशी

मेष राशीच्या लोकांवर सध्या शनीच्या साडेसातीचा पहिला टप्पा सुरू आहे, त्यामुळे आयुष्यात काही चढ-उतार जाणवू शकतात. विशेषतः खर्च वाढू शकतो. अचानक पैशांची गरज भासू शकते. खूप मेहनत करूनही अपेक्षेप्रमाणे चांगले परिणाम मिळायला उशीर होऊ शकतो, त्यामुळे मन खिन्न राहू शकतं. या काळात आत्मविश्वास कमी होणं आणि कामाचा ताणही जाणवू शकतो. त्यामुळे घाई न करता संयमाने पुढे जाणं योग्य ठरेल.

काय करावे उपाय

दर मंगळवार आणि शनिवारी बजरंग बाणाचा पाठ करणे लाभदायक मानले जाते.
गरजू लोकांना काळ्या रंगाचे कपडे आणि चप्पल दान करणे शुभ राहील.

मीन राशी

मीन राशीच्या लोकांसाठी सध्या शनीच्या साडेसातीचा दुसरा टप्पा सुरू आहे, जो सर्वात आव्हानात्मक मानला जातो. या काळात आयुष्यातील गोष्टी हळूहळू पुढे सरकतात आणि मेहनतीचं फळ मिळायला वेळ लागू शकतो. तुम्ही पूर्ण मन लावून काम कराल, पण परिणाम लगेच मिळणार नाहीत, त्यामुळे निराशा किंवा थकवा जाणवू शकतो. घरात आणि जोडीदारासोबत छोट्या-छोट्या गोष्टींवर मतभेद किंवा अहंकारामुळे तणाव निर्माण होऊ शकतो, त्यामुळे नात्यांमध्ये संयम ठेवणं गरजेचं आहे.

काय करावे उपाय

शनिवारी काळ्या कुत्र्याला पोळी खाऊ घाला आणि त्यावर थोडं मोहरीचं तेल लावा, हे शुभ मानलं जातं.
प्रत्येक शनिवारी मोहरीच्या तेलाने भरलेल्या भांड्यात स्वतःचा चेहरा पाहून छाया दान करा, यामुळे लाभ होऊ शकतो.

कुंभ राशी

कुंभ राशीच्या लोकांवर सध्या शनीच्या साडेसातीचा शेवटचा टप्पा सुरू आहे, त्यामुळे आता हळूहळू परिस्थितीत सुधारणा होण्याचे संकेत मिळू शकतात. तरीही काही अडचणी कायम राहू शकतात, त्यामुळे निष्काळजीपणा टाळा. काम आणि करिअरमध्ये परिस्थिती सुधारू शकते, पण पूर्ण आराम मिळायला अजून थोडा वेळ लागू शकतो. मेहनतीचं फळ मिळू लागेल, पण त्यासाठी सातत्याने प्रयत्न करणं गरजेचं आहे. या काळात जबाबदाऱ्या वाढू शकतात, त्यामुळे मानसिक ताण जाणवू शकतो. आर्थिक स्थितीतही चढ-उतार राहू शकतात, त्यामुळे विचारपूर्वक खर्च करणं चांगलं राहील.

काय करावे उपाय

शनिवारी शनी देवांना मोहरीचं तेल अर्पण करा.
गरीब आणि गरजू लोकांना काळे तीळ, उडीद डाळ किंवा काळे कपडे दान करा.

शनीची ढैय्या

सिंह राशी

सिंह राशीच्या लोकांवर सध्या शनीच्या ढैय्याचा प्रभाव आहे, त्यामुळे आयुष्यात काही अडथळे आणि आव्हानं येऊ शकतात. काम होत-होत अडकू शकतं, त्यामुळे चिडचिड किंवा ताण वाढू शकतो. करिअर आणि कामाच्या बाबतीत तुम्हाला आपल्या क्षमतेपेक्षा जास्त मेहनत घ्यावी लागू शकते, पण त्यानुसार परिणाम मिळायला उशीर होऊ शकतो. अशावेळी धीर ठेवणं आणि प्रयत्न सुरू ठेवणं तुमच्यासाठी फायदेशीर ठरेल. कुटुंबातही कधी-कधी मतभेद होऊ शकतात, त्यामुळे वाद वाढवण्यापेक्षा समजुतीने गोष्टी सोडवणं योग्य ठरेल. आर्थिक बाबतीतही विचार करून निर्णय घ्या, कारण अनावश्यक खर्च वाढू शकतो.

काय करावे उपाय

शनिवारी पिंपळाच्या झाडाखाली मोहरीच्या तेलाचा दिवा लावा.
गरजू लोकांना काळी उडीद डाळ आणि काळे तीळ दान करा.

धनु राशी

धनु राशीच्या लोकांवर सध्या शनीच्या ढैय्याचा प्रभाव दिसत आहे, त्यामुळे आयुष्यात थोडी काळजी घेणं गरजेचं आहे. या काळात अनेक कामांमध्ये उशीर किंवा अडथळे येऊ शकतात, त्यामुळे मनात बेचैनी निर्माण होऊ शकते. करिअरच्या बाबतीत अपेक्षेपेक्षा जास्त मेहनत करावी लागू शकते, पण परिणाम हळूहळू मिळतील. त्यामुळे धीर ठेवणं आणि घाई टाळणं हेच योग्य ठरेल. पैशांच्या बाबतीतही सावध राहण्याची गरज आहे, कारण अनावश्यक खर्च वाढू शकतात. कुटुंब आणि नातेसंबंधांमध्येही छोट्या-छोट्या गोष्टींवरून तणाव निर्माण होऊ शकतो, त्यामुळे बोलण्यात संयम ठेवणं गरजेचं आहे.

काय करावे उपाय

शनिवारी शनी देवांना काळे तीळ आणि मोहरीचं तेल अर्पण करा.
गरीब आणि गरजू लोकांना काळे कपडे किंवा उडीद डाळ दान करा.

(Disclaimer – या ठिकाणी दिलेली माहिती ज्योतिषशास्त्रावर आधारित असून ती केवळ माहितीसाठी दिली जात आहे. लोकसत्ता या गोष्टींना दुजोरा देत नाही.)