२ सप्टेंबरला शनि-शुक्राचा ‘षडाष्टक योग’; ‘या’ ३ राशींवर येणार मोठे संकट! करिअरमध्ये अडचण अन् बिघडेल आरोग्य

मेष

षडाष्टक योगामुळे मेष राशीच्या लोकांना कामाच्या ठिकाणी अत्यंत सावधगिरी बाळगावी लागेल. सहकाऱ्यांसह मतभेद किंवा वाद होण्याची शक्यता आहे. कोणत्याही कामात निष्काळजीपणा करू नका, अन्यथा तुमची प्रतिमा खराब होऊ शकते. काही लोकांना मानसिक ताण आणि डोकेदुखीचा त्रास होऊ शकतो. कौटुंबिक आयुष्यात संभाषण करताना शब्दांचा वापर विचारपूर्वक करा.

वृश्चिक

वृश्चिक राशीच्या लोकांनी आर्थिक व्यवहारात सतर्क राहणे आवश्यक आहे. विशेषतः व्यापाऱ्यांनी मोठी गुंतवणूक किंवा डील करण्यापूर्वी तज्ज्ञांचा सल्ला नक्की घ्यावा. नोकरदार वर्गाला ऑफिसमधील परिस्थिती थोडी प्रतिकूल वाटू शकते. संयम ठेवा आणि कामावर लक्ष केंद्रित करा, हळूहळू परिस्थिती सुधारेल. पोटदुखी आणि सांधेदुखीचा त्रास उद्भवू शकतो, त्यामुळे आरोग्याची काळजी घ्या.

सिंह

षडाष्टक योगामुळे तुमची ठरलेली कामे अचानक अटकावू शकतात. त्यामुळे योग्य नियोजन करूनच पुढे जा. कामाच्या ठिकाणी आजचे काम उद्यावर ढकलणे टाळा, अन्यथा मोठ्या अडचणींना सामोरे जावे लागू शकते. ऑफिसमधील राजकारणापासून जितके दूर राहाल तितके तुमच्यासाठी चांगले राहील. घसा आणि हाडे दुखण्याचा त्रास संभवतो.

(टीप- वरील बातमी प्राप्त माहितीवर आधारित आहे, लोकसत्ता डॉट.कॉम याची पुष्टी करत नाही.)