श्रावणात ‘या’ ३ राशींवर शुक्राची खास कृपा! धन, प्रमोशन अन् प्रत्येक कामात मिळेल यश…

पंडित नरेंद्र उपाध्याय यांच्या मते, शुक्र आणि चंद्र यांच्यात शत्रुत्व असले तरी त्याचा फार नकारात्मक किंवा प्रतिकूल परिणाम होत नाही. मात्र या काळात मनाची चंचलता वाढू शकते. शुक्र जेव्हा चंद्राच्या नक्षत्रात प्रवेश करतो, तेव्हा काही राशींना शुभ फळे मिळतात. जाणून घेऊया, हस्त नक्षत्रातील शुक्राचे गोचर कोणत्या राशींसाठी फायदेशीर ठरणार आहे.

कर्क रास

पंडित उपाध्याय यांच्या मते, कर्क राशीच्या लोकांसाठी हस्त नक्षत्रातील शुक्राचे गोचर भौतिक सुख-सुविधांमध्ये वाढ करणारे ठरेल. कौटुंबिक जीवनात गोडवा येईल आणि एखादी आनंदाची बातमी मिळू शकते. पैशांशी संबंधित अडचणी दूर होतील आणि आर्थिकदृष्ट्या हा काळ चांगला राहील. गुंतवणुकीसाठी चांगल्या संधी मिळतील. प्रेमसंबंध अधिक मजबूत होतील. व्यवसाय वाढण्याची शक्यता आहे. कामाच्या ठिकाणी अपेक्षित प्रगती मिळू शकते. कोर्ट-कचेरीच्या प्रकरणांमध्ये यश मिळण्याची शक्यता आहे. शत्रूंवर विजय मिळेल.

वृश्चिक रास

वृश्चिक राशीच्या लोकांसाठी हे गोचर धाडस, पराक्रम आणि आत्मविश्वास वाढवणारे ठरेल. या काळात भाऊ-बहिणींचे सहकार्य मिळेल. भागीदारीत केलेल्या कामांमध्ये फायदा होईल. समाजात मान-सन्मान वाढेल. कुटुंबात सुख-शांती राहील. कामाच्या ठिकाणी तुमच्या कौशल्याचे किंवा सर्जनशीलतेचे कौतुक होऊ शकते. तुमच्या व्यक्तिमत्त्वात अधिक आकर्षकपणा येईल आणि लोक तुमच्याकडे आकर्षित होतील. बऱ्याच दिवसांपासून अडकलेले पैसे परत मिळण्याची शक्यता आहे. हे गोचर करिअरमध्ये नवीन संधी आणि ओळख मिळवून देऊ शकते.

मीन रास

मीन राशीसाठी हे गोचर अत्यंत शुभ आणि प्रगती देणारे ठरेल. या काळात तुमची आर्थिक स्थिती मजबूत होईल. मित्रांचे पूर्ण सहकार्य मिळेल. बऱ्याच दिवसांपासून मनात असलेली एखादी इच्छा पूर्ण होऊ शकते. व्यवसायात वाढ होण्याची शक्यता आहे. कामाच्या ठिकाणी तुमच्या कामाचे कौतुक होऊ शकते. नोकरी करणाऱ्यांना नवीन जबाबदारी किंवा पदोन्नती मिळू शकते. वरिष्ठ अधिकारी तुमच्या कामावर खूश होतील आणि तुमचे कौतुक करतील. नशिबाची साथ मिळेल. नशिबाच्या जोरावर उत्पन्नाचे नवीन मार्गही तयार होऊ शकतात.

(Disclaimer – या ठिकाणी दिलेली माहिती अंकशास्त्रावर आधारित असून ती केवळ माहितीसाठी दिली जात आहे. लोकसत्ता या गोष्टींना दुजोरा देत नाही.)