Somvati Amavasya Kendra Drishti Yoga in Adhika Mas : १५ जून रोजी वर्षातील पहिली सोमवती अमावस्या आहे. जेव्हा अमावस्या सोमवारी येते, तेव्हा तिला सोमवती अमावस्या म्हणतात. अधिक मासात ही या सोमवती अमावस्या आली असून १०० वर्षांनतर हा एक दुर्मिळ योगळ ठरत आहे. सोमवती अमावस्येला सुर्य-बुध-चंद्रच्या युतीमुळे बुधादित्य आणि त्रिग्रही योग निर्माण होत आहे याचबरोबर सोमवती अमावस्येच्या दिवशी शनी आणि बुध यांचा केंद्र दृष्टी योगही तयार होत आहे. ज्योतिषांच्या मते, हा योग ४ राशींसाठी शुभ संकेत देत आहे. ज्योतिषांच्या मते, सोमवती अमावस्येपासून या राशींचा शुभ काळ सुरू होणार आहे.
मेष (Aries)
मेष राशीच्या लोकांसाठी या काळात प्रगती आणि यश मिळवण्याची संधी मिळेल. करिअरमध्ये केलेल्या प्रयत्नांना योग्य फळ मिळेल असे संकेत आहेत. जे काम बऱ्याच काळापासून रखडले होते, ते आता यशस्वी होईल. प्रेमसंबंधांमध्येही गोडवा वाढेल आणि परस्पर सामंजस्य पूर्वीपेक्षा चांगले राहील. वैयक्तिक आणि व्यावसायिक जीवनात संतुलन राहील.
सिंह (Leo)
सिंह राशीच्या लोकांसाठी हा काळ साहस आणि यश घेऊन येऊ शकतो. तुम्ही प्रतिस्पर्धकांवर मात करण्यात यशस्वी व्हाल आणि स्पर्धात्मक परिस्थितीतही तुमची कामगिरी चांगली होऊ शकते. नवीन लोकांशी संपर्क प्रस्थापित होईल, ज्यामुळे भविष्यात फायदा होण्याची शक्यता आहे. आरोग्याच्या बाबतीतही परिस्थिती समाधानकारक असू शकते, ज्यामुळे मन आनंदी राहील.
कन्या (Virgo)
कन्या राशीच्या व्यक्तींना व्यवसाय आणि करिअरच्या क्षेत्रात चांगल्या संधी मिळू शकतात. व्यवसायाशी संबंधित लोकांसाठी फायद्याचे संकेत आहेत आणि नवीन योजना देखील सकारात्मक परिणाम देऊ शकतात. नोकरदार लोकांना जबाबदाऱ्या वाढल्यामुळे पदोन्नती मिळत आहे. तुमच्या कामाच्या क्षेत्रातील कठोर परिश्रम आणि क्षमतेचे कौतुक होऊ शकते.
मकर (Capricorn)
मकर राशीच्या व्यक्तींसाठी, हा काळ त्यांच्या योजनांमध्ये यशस्वी ठरू शकतो. कुटुंब आणि नातेवाईकांच्या सहकार्याने महत्त्वाची कामे सहजपणे पूर्ण होतील. तुमच्या समजूतदारपणा आणि व्यावहारिक विचारांच्या जोरावर, तुम्ही तणावपूर्ण परिस्थितीवर नियंत्रण मिळवण्यात यशस्वी व्हाल. सरकारी किंवा प्रशासकीय कामात फायदा होण्याची शक्यता आहे, ज्यामुळे आत्मविश्वास वाढेल.
