नेतृत्व कौशल्य असणे ही कोणती साधी गोष्ट नाही, मग ते एखादा राजकीय नेता बनणे असो, टीमचा लीडर बनणे असो किंवा एखाद्या मोठ्या कामाचे नेतृत्व करणे असो. यासाठी बुद्धिमत्ता, विचार, जोखीम घेण्याची क्षमता, भरपूर आत्मविश्वास असे अनेक गुण असणे आवश्यक आहे. हे गुण प्रत्येकातच असतात असे नाही. काही लोक नेतृत्वगुण आत्मसात करतात तर काहीजणांमध्ये हे गुण जन्मतः असतात. जाणून घेऊया ज्योतिष शास्त्रानुसार कोणत्या राशीच्या व्यक्तींमध्ये नेतृत्वगुण असतात. मेष : मेष राशीचा स्वामी मंगळ असून यांच्या जातकांमध्ये धैर्याची कमतरता नसते. म्हणूनच हे लोक जोखीम पत्करण्यासाठी नेहमीच पुढे असतात. या व्यक्ती कुशल राजकीय नेता, प्रशासक, अधिकारी, मॅनेजर बनतात. याशिवाय मेष राशीच्या व्यक्ती संरक्षण क्षेत्रात फार नाव कमावतात. या व्यक्तींमध्ये जन्मतःच हे गुण असतात. लग्नामध्ये विलंब होत असल्यास नक्की करा ‘हे’ उपाय; लवकरच मिळेल खुशखबर सिंह : या राशीचा स्वामी सूर्य आहे आणि या व्यक्तींमध्ये अप्रतिम नेतृत्व कौशल्य असतात. या व्यक्तींचे व्यक्तिमत्व इतके आकर्षक असते की लोक अगदी सहज या व्यक्तींना आपला लीडर मानतात. हे लोक स्वतःच्या मर्जीचे मालक असतात आणि त्यांचा स्वभाव अत्यंत कडक असतो. वृश्चिक : मंगळ हा या राशीचा स्वामी असतो. या व्यक्ती खूपच उत्साही आणि भांडखोर असतात. चांगले लीडर असण्यासोबतच या व्यक्ती स्वार्थी असतात. म्हणूनच यश प्राप्त करणे त्यांच्यासाठी आणखीनच सोपे होते. तथापि, मंगळ दोष असल्यास तर या व्यक्ती तापट आणि गर्विष्ठ बनतात. मकर : या राशीचा स्वामी शनी असून या राशीच्या व्यक्ती मेहनती आणि प्रामाणिक असतात. या व्यक्ती खूपच उत्साही असतात आणि ठरवलेली गोष्ट पूर्ण करूनच दाखवतात. हे अतिशय न्यायी असतात तसेच दुसऱ्यांसाठी लढणे ही त्यांच्यासाठी अत्यंत सामान्य बाब असते. हे खूपच चांगले लीडर असतात. ‘या’ राशीच्या मुली आपल्या वडिलांसाठी असतात खूपच भाग्यवान; कुटुंबाचं नाव करतात रोशन कुंभ : शनी हा या राशीचा स्वामी आहे. या व्यक्तींमध्ये इतकी ताकद असते की ते स्वतःच्या हिंमतीवर एखादे साम्राज्य उभे करू शकतात. या व्यक्ती कोणत्याही क्षेत्रात यश प्राप्त करू शकतात आणि चांगले लीडर सिद्ध होतात. (येथे दिलेली माहिती सामान्य गृहीतके आणि माहितीवर आधारित आहे.)