आज १८ मार्चला सर्वजण होळीच्या रंगांमध्ये बुडालेले आहेत. अगदी उत्साहात संपूर्ण देशात होळी साजरी केली जाते. हा एक असा सण आहे ज्याची लोक आतुरतेने वाट बघतात. होळी खेळणे खुपच शुभ असते. या सणामुळे आपल्या मनातील नकारात्मक ऊर्जा नष्ट होते. तथापि, काही लोक असे देखील आहेत ज्यांना होळी खेळणे, रंग लावणे या गोष्टी आवडत नाहीत. पण, स्वप्नात होळी खेळताना पाहण्याचे महत्त्वाचे अर्थही स्वप्नशास्त्रात सांगितले आहेत. आज आपण याबाबत अधिक माहिती जाणून घेऊया. स्वप्नात होळी खेळणे आणि रंग पाहणे याचा अर्थ : स्वप्नात इतरांना होळी खेळताना पाहण्याचा अर्थ: जर तुम्ही स्वप्नात इतरांना होळी खेळताना पाहिले तर ते खूप शुभ आहे. हे एखादी चांगली बातमी मिळण्याचे हे लक्षण आहे. तसेच, अविवाहित लोकांना असे स्वप्न पडले तर त्यांना लवकरच जीवनसाथी मिळण्याचे संकेत आहेत. तथापि, स्वप्नात स्वतःला होळी खेळताना पाहणे चांगले मानले जात नाही. स्वप्नात लाल रंगाने होळी खेळण्याचा अर्थ: स्वप्नात तुम्ही स्वतःला किंवा इतर कोणीही लाल रंगाची होळी खेळताना पाहिले तर हे लक्षण आहे की तुम्ही येणाऱ्या काळात सावधगिरी बाळगावी. स्वप्नात गुलाबी रंग पाहण्याचा अर्थ: जर तुम्हाला तुमच्या स्वप्नात गुलाबी रंग दिसला किंवा तुम्ही किंवा इतर कोणी गुलाबी रंगाने होळी खेळताना दिसले तर असे स्वप्न काही चांगली बातमी मिळण्याचे किंवा मोठे यश मिळण्याचे लक्षण आहे. स्वप्नात काळ्या रंगाने होळी खेळताना पाहण्याचा अर्थ : स्वप्नात जर एखादी व्यक्ती काळ्या रंगाने होळी खेळताना दिसली तर ते शुभ नाही. हे लक्षण आहे की तुम्हाला काही समस्यांना तोंड द्यावे लागू शकते. स्वप्नात पिवळा रंग दिसण्याचा अर्थ : जर तुम्हाला स्वप्नात पिवळ्या रंगाने होळी खेळताना दिसले तर याचा अर्थ तुम्हाला जीवनात मोठी जबाबदारी मिळणार आहे. ही जबाबदारी नोकरी-व्यवसाय किंवा कुटुंबाशी संबंधित असू शकते. (येथे दिलेली माहिती गृहीतके आणि सामान्य माहितीवर आधारित आहे.)
