Shani Margi : ग्रहाचे न्याय‍धीश शनि १५ नोव्हेंबर २०२४ रोजी आपल्या स्वराशी कुंभ राशीमध्ये मार्गी होणार आहे. शनिच्या चालीमध्ये बदल झाल्यामुळे काही राशींना लाभ मिळणार आहे तर काही राशींना काळजी घेण्याची गरज आहे. शनि त्याच्या चालीने राशिचक्रातील बारा राशींवर प्रभाव टाकणार आहे. यामुळे काही राशींना शारीरिक, मानसिक आणि आर्थिक समस्यांचा सामना करावा लागू शकतो. जाणून घेऊ या त्या राशी कोणत्या? (three zodiac signs should be alert from 15 november they may have to face difficulties due to the Saturn margi)
सिंह राशी (Leo Zodiac)
शनिच्या या चालीमुळे सिंह राशीच्या लोकांना थोड्या अडचणीचा सामना करावा लागू शकतो. पैसे संपत्तीच्या बाबतीत काळजी घ्यावी अन्यथा आर्थिक नुकसान होऊ शकते. या दरम्यान या लोकांचे जवळच्या लोकांबरोबर वादविवाद होण्याची शक्यता आहे. वादविवादापासून दूर रहा. नोकरीमध्ये बदलण्याचा विचार करणाऱ्या लोकांनी आता थोडी प्रतिक्षा करावी. व्यवसाय करणाऱ्या लोकांना सर्तक राहण्याची गरज आहे. त्यांनी कोणतेही महत्त्वाचे पाऊल उचलताना विचार करावा.
वृश्चिक राशी (Scorpio Zodiac)
वृश्चिक राशीच्या लोकांसाठी शनिचे मार्गक्रमण तोट्याचे ठरू शकते. कामाच्या ठिकाणी या लोकांना संघर्ष करण्याचा सामना करावा लागतो. या दरम्यान गुंतवणूक करू नये. व्यवसाय वाढवण्याचा विचार करू नये. अति खर्चामुळे तणाव येऊ शकतो. आरोग्याची काळजी घ्यावी. व्यवसाय करणाऱ्यांनी काळजी घेण्याची गरज आहे.
मकर राशी (Capricorn Zodiac)
मकर राशीच्या लोकांसाठी शनिची चाल अडचणी आणू शकतात. व्यवसाय करणाऱ्या लोकांना भरपूर समस्यांचा सामना करावा लागू शकतो. धन संपत्तीचे नुकसाना होऊ शकते. प्रेम प्रकरणांमध्ये चढ उतार येऊ शकतो. लहान गोष्टीवरून वाद होऊ शकतात. त्यामुळे या लोकांनी त्यांच्या वाणीवर नियंत्रण ठेवावे आणि कोणतेही पाऊल उचलताना काळजी घ्यावी.
(टीप: वरील लेख प्राप्त माहितीवर आधारीत आहे)
