आजपासून ‘या’ ६ राशींनी जरा सावधच राहा! ‘ही’ चूक अजिबात करू नका, नाहीतर होईल आर्थिक नुकसान अन् आयुष्यात वाढतील अडचणी…

ज्योतिषानुसार बुध हा व्यापार, तर्क आणि वाणीचा कारक आहे, तर शनी हा शिस्त, मेहनत आणि न्यायाचा कारक आहे. या दोघांची युती झाल्यावर काही राशींना चढ-उतार अनुभवावे लागू शकतात. चला पाहूया याचा परिणाम…

मेष राशीवर परिणाम

मेष राशीसाठी हा काळ फार चांगला नाही. बुध तिसऱ्या आणि सहाव्या भावाचा स्वामी असून १२व्या भावात नीच होत आहे. त्यामुळे कोणत्याही करारावर सही करताना काळजी घ्या. निर्णय घेण्यात गोंधळ होऊ शकतो. स्पॅम कॉल्स वाढू शकतात, त्यामुळे घाईत निर्णय घेऊ नका. भावंडांसोबत वाद होण्याची शक्यता आहे.

वृषभ राशीवर परिणाम

वृषभ राशीसाठी हा काळ थोडा चढ-उताराचा राहील. बुध दुसऱ्या आणि पाचव्या भावाचा स्वामी असून ११व्या भावात नीच होत आहे. त्यामुळे पैशांबाबत निर्णय विचार करून घ्या. चुकीचा सल्ला मित्रांकडून मिळू शकतो. मोठ्या कामात शेवटच्या क्षणी अडचणी येऊ शकतात.

कर्क राशीवर परिणाम

कर्क राशीच्या लोकांनी पैशांचे व्यवहार जपून करावेत. बुध नवव्या भावात नीच होत आहे. प्रवासात अडचणी येऊ शकतात, जसे सामान हरवणे किंवा कागदपत्रांची समस्या. वडील, गुरु किंवा शिक्षकांसोबत गैरसमज होऊ शकतात. भावंडांना मदतीची गरज भासू शकते.

कन्या राशीवर परिणाम

कन्या राशीसाठी बुध हा लग्न आणि दहाव्या भावाचा स्वामी असून सातव्या भावात नीच होत आहे. त्यामुळे जोडीदारासोबत वाद होऊ शकतो. पार्टनरच्या चुकीच्या निर्णयामुळे आर्थिक नुकसान होऊ शकते. आरोग्याची काळजी घ्या आणि प्रेमसंबंधात गैरसमज टाळा. व्यवसायात उधारी देणे टाळा.

तूळ राशीवर परिणाम

तूळ राशीच्या लोकांना काही अडचणी येऊ शकतात. बुध नवव्या आणि १२व्या भावाचा स्वामी असून सहाव्या भावात नीच होत आहे. नोकरीत वरिष्ठांमुळे त्रास होऊ शकतो. काम नीट आणि लक्ष देऊन करा. वाद-विवाद टाळा आणि खर्चावर नियंत्रण ठेवा. धार्मिक काम केल्याने मनःशांती मिळेल.

मकर राशीवर परिणाम

मकर राशीसाठी हा काळ थोडा कठीण राहू शकतो. बुध सहाव्या आणि नवव्या भावाचा स्वामी असून तिसऱ्या भावात नीच होत आहे. संवादात अडथळे येऊ शकतात, त्यामुळे नात्यांवर परिणाम होऊ शकतो. खर्च वाढू शकतो आणि आरोग्याची समस्या येऊ शकते. पैशांबाबत घाई करू नका. मात्र, बुध तुम्हाला या अडचणीतून बाहेर पडण्याची ताकदही देईल.

(Disclaimer – या ठिकाणी दिलेली माहिती ज्योतिषशास्त्रावर आधारित असून ती केवळ माहितीसाठी दिली जात आहे. लोकसत्ता या गोष्टींना दुजोरा देत नाही.)