औरंगाबादमधील कुलर तयार करणाऱ्या कंपनीत शुक्रवारी दुपारी भीषण आग लागली. या आगीत वित्तहानी मोठ्या प्रमाणात झाली असून आगीचे नेमके कारण अद्याप अस्पष्ट आहे.

या बातमीसह सर्व प्रीमियम कंटेंट वाचण्यासाठी साइन-इन करा

औरंगाबादमधील चिकलठाणा एमआयडीसीत आनंद इंडस्ट्रिज या कंपनीत कुलरचे उत्पादन केले जाते. शुक्रवारी एमआयडीसीत शटडाऊन असल्याने कंपनीत कर्मचारी नव्हते. दुपारी एकच्या सुमारास कंपनीत भीषण आग लागली. आगीचे नेमके कारण अद्याप अस्पष्ट आहे. दोन तासांनंतर आगीवर नियंत्रण मिळवण्यात यश आले आहे. अग्निशमन दलाचे पाच बंब आणि सहा ते सात पाण्याच्या टँकर्सनी सुमारे दोन तासांच्या अथक प्रयत्नानंतर या आगीवर नियंत्रण मिळवले.

आनंद इंडस्ट्रिज ही कंपनी  कुंदन रेड्डी यांच्या मालकीची आहे. या कंपनीतील आगीत अद्याप कोणतीही जीवितहानी झालेली नाही.

Aurangabad News (छत्रपती संभाजीनगर न्यूज), Maharashtra News, Marathi News (मराठीतील बातम्या) वाचण्यासाठी डाउनलोड करा लोकसत्ताचं Marathi News App.
Web Title: Aurangabad fire broke out at cooler factory in chikalthana midc firefighting operations underway
First published on: 21-09-2018 at 17:34 IST