News Flash

शेतकऱ्यांच्या विधवा पत्नींना प्रथमच ऑटोरिक्षा परवाना

उपप्रादेशिक परिवहन अधिकारी विलास कांबळे यांनी या योजनेची माहिती दिली.

जिल्ह्यत आत्महत्या केलेल्या ३९ शेतकऱ्यांच्या विधवा पत्नींना शिवसेनाप्रमुख बाळासाहेब ठाकरे निराधार स्वावलंबन योजनेंतर्गत ऑटोरिक्षा परवाना इरादापत्र जिल्हाधिकारी डॉ. प्रशांत नारनवरे यांच्या हस्ते वितरित करण्यात आले.

आत्महत्या केलेल्या शेतकऱ्यांच्या विधवा पत्नींना ऑटोरिक्षा परवाना इरादापत्र देण्याचा उपक्रम राज्यात प्रथमच उस्मानाबाद जिल्ह्यात राबविण्यात आला. तो स्तुत्य असल्याचे डॉ. नारनवरे यांनी सांगितले. जिल्ह्यातील आत्महत्याग्रस्त शेतकऱ्यांच्या विधवा पत्नींची बठक घेऊन महिला रिक्षाचालक फेडरेशनची स्थापना करावी अशी सूचना केली, तसेच जिल्ह्यातील ऑटोरिक्षा चालकांनी परवाने नूतनीकरण करून घ्यावे अन्यथा संयुक्तिक कारवाई करण्याचा इशाराही जिल्हाधिकारी डॉ. नारनवरे यांनी या वेळी दिला.

उपप्रादेशिक परिवहन अधिकारी विलास कांबळे यांनी या योजनेची माहिती दिली. अतिरिक्त पोलीस अधीक्षक डॉ. दीपाली घाडगे, लातूरचे उपप्रादेशिक परिवहन अधिकारी प्रभाकर भालेराव या वेळी उपस्थित होते.

 

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on July 14, 2016 12:20 am

Web Title: auto rickshaw license for women in osmanabad
Next Stories
1 ‘कौटुंबिक कलहातून माझ्यावर राजकीय आरोप’
2 यंदापासून प्रधानमंत्री पीकविमा योजना; पीकविमा भरण्यासाठी ३१जुलैची मुदत
3 देशी गायींच्या खरेदीसोबत भीती मोफत!
Just Now!
X