03 June 2020

News Flash

रस्ते अपघातांसह मृतांची संख्याही घटली

गेल्या वर्षीच्या तुलनेत मराठवाडय़ाच्या चार जिल्ह्यांतील अपघातांत मृत्यू झालेल्यांच्या संख्येत पहिल्यांदाच घट झाली आहे. अवैध दारूविक्री आणि रस्ता दुभाजकांच्या दुरुस्तीसाठी पोलिसांनी केलेला पाठपुरावा यामुळे ही

गेल्या वर्षीच्या तुलनेत मराठवाडय़ाच्या चार जिल्ह्यांतील अपघातांत मृत्यू झालेल्यांच्या संख्येत पहिल्यांदाच घट झाली आहे. अवैध दारूविक्री आणि रस्ता दुभाजकांच्या दुरुस्तीसाठी पोलिसांनी केलेला पाठपुरावा यामुळे ही संख्या घटली आहे. सन २०१४ मध्ये १ हजार २५ अपघातांत १ हजार १४२ जणांचा, तर मागील वर्षी ९७४ अपघातांत १ हजार ८३ जणांचा मृत्यू झाला. विशेष पोलीस महानिरीक्षक विश्वास नांगरे पाटील यांनी रस्त्यावरील अपघात कमी करण्यासाठी मोहीम सुरू केली होती. त्याचा हा परिणाम असल्याचे सांगितले जाते. अपघातातील मृत्यूंची संख्या वाढत असल्याचेच चित्र होते. गेल्या वर्षी तुलनेत ही संख्या ५९ने कमी आहे.
दिवसेंदिवस गाडय़ांची संख्या वाढते आहे. रस्तेही चांगले नाहीत. परिणामी, अपघात वाढले आहेत. रस्ते दुभाजकांची दुरुस्ती करून घेण्यासाठी पोलीस महानिरीक्षकांनी पाठपुरावा केला. तसेच ढाब्यांवरील दारूविक्रीलाही आळा घातला. तसेच वेगमर्यादा न पाळणाऱ्या ४२९जणांवर दारू पिऊन गाडी चालवणाऱ्या ३४९जणांवर कारवाई करण्यात आली होती. त्याचा परिणाम जाणवू लागला असल्याचा दावा नांगरे पाटील यांनी केला.
औरंगाबाद ग्रामीण, बीड व जालना या तीन जिल्ह्यांत अपघातातील मृत्यूचे प्रमाण कमी झाले आहे. मात्र, उस्मानाबाद जिल्ह्यात अपघातातील मृत्यूचे प्रमाण गेल्या वर्षीपेक्षा अधिक आहे. उमरगा ते नळदुर्ग तसेच उस्मानाबादपर्यंत राष्ट्रीय महामार्गाच्या रुंदीकरणाचे काम सध्या सुरू आहे. परिणामी, अरुंद रस्त्यावरून होणारी वाहतूक व उपचारासाठी चांगले रुग्णालय नसल्यामुळेही अपघातातील व्यक्ती मृत होण्याचे प्रमाण येथे अधिक असल्याचे सांगितले जाते. या चार जिल्हय़ांमधील २४४ ठिकाणे अपघातप्रवण क्षेत्र आहेत.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on March 31, 2016 1:10 am

Web Title: decrease road accident and died in aurangabad
Next Stories
1 वन्य प्राण्यांची तहान भागविण्यासाठी ४० लाख खर्चून वनतळे, पाणवठे
2 भाजप जिल्हा कार्यालय वर्षभरात हायटेक होणार
3 नाथषष्ठीनिमित्त थेट नाथसागरात स्नान
Just Now!
X