News Flash

औरंगाबादमध्ये बनावट नोटा तयार करणाऱ्या तोतया पत्रकाराला अटक

चलनातील खऱ्या नोटांच्या मोबदल्यात दुप्पट बनावट नोटा द्यायचा.

frode journalist,fake currency notes
औरंगाबाद गुन्हे अन्वेषण विभागाची कारवाई

बनावट नोटा तयार करणाऱ्या माजिद खान बिस्मिला खान (वय ४२) या तोतया पत्रकाराला औरंगाबाद गुन्हे अन्वेषण विभागाने अटक केली आहे. त्यांच्याकडून ५ लाख ५ हजार तीनशे रुपयांच्या बनावट नोटा आणि नोटांची छपाई करण्यासाठी वापरण्यात येणारी अत्याधुनिक छपाई यंत्र जप्त करण्यात आली आहेत.

औरंगाबादमधील किरडपुरा-बायजीपुरा भागातून या आरोपीला पोलिसांनी अटक केली. दोन हजार, पाचशे आणि शंभर रुपयांच्या बनावट नोटा पोलीस कारवाईत सापडल्या. बनावट नोटा या उच्चप्रतिच्या असल्याचं पोलिसांनी सांगितलं. शिवाय २३ हजार रुपये किमतीच्या खऱ्या नोटाही पोलिसांना सापडल्या. बनावट नोटा तयार करण्यासाठी त्याचा वापर केला जात असल्याचं पोलिसांनी म्हटले आहे. खान चलनातील खऱ्या नोटांच्या मोबदल्यात दुप्पट बनावट नोटा द्यायचा. आरोपी स्वतःला पत्रकार असल्याचं सांगत होता. त्याच्याकडून ‘लोकरतन’ या दैनिकाचे ओळखपत्र तसेच काँग्रेसचा पदाधिकारी असल्याचं ओळखपत्र मिळालं आहे. दोन्ही ओळखपत्रे बनावट असल्याचं पोलिसांनी सांगितलं.

आरोपीच्या मित्राने पोलिसांना याबाबत माहिती दिली होती. त्यानंतर पोलिसांनी ही कारवाई केली. कारवाई करणारे पोलीस आणि या तोतया आरोपीची माहिती देणाऱ्या व्यक्तीला आयुक्त यशस्वी यादव यांनी वीस हजाराचा बक्षीस जाहीर केलं.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on May 19, 2017 7:29 pm

Web Title: frode journalist arrested for making fake currency notes in aurangabad
Next Stories
1 मुलाच्या मृत्यू प्रमाणपत्रासाठी वृद्ध वडिलांचा पाच वर्षे लढा
2 साई संस्थेचे पदाधिकारी, परीक्षा विभाग यांची ‘आर्थिक अभियांत्रिकी’?
3 अभयारण्य प्राणीगणनेतील संख्येवर प्रश्नचिन्ह
Just Now!
X