सिल्लोड शहरातील एका तीस वर्षीय महिलेवर सामूहिक बलात्कार झाल्याप्रकरणी रविवारी केशव जाधव व विशाल निकम या दोघांविरुद्ध गुन्हा दाखल करण्यात आला आहे, अशी माहिती पोलीस निरीक्षक बोडक यांनी दिली. या संदर्भातील माहिती देताना उपविभागीय पोलीस अधिकारी मुंडे यांनी सांगितले की, पीडित महिला घरात एकटी पाहून काही तरुणांनी तिच्यावर सामूहिक बलात्कार केल्याची तक्रार ५ फेब्रुवारी रोजी दाखल करण्यात आली आहे. घटना ही १४ डिसेंबर रोजीची असल्याचे पीडितेचे म्हणणे आहे. त्यामुळे या प्रकरणाची चौकशी केली. त्यानंतर शहर पोलीस ठाण्यात गुन्हा दाखल करण्यात आला आहे. यामध्ये अद्याप कोणालाही अटक करण्यात आली नसल्याचे मुंडे यांनी सांगितले.